VOV4.Bahnar - Sơng iŏk nơ̆r krao hơ vơn đơ̆n Tổng Bí thư Khul kơ dră chĕp kơ̆l Trung ương Đảng Cộng sản Việt Nam Nguyễn Phú Trọng păng hơ kăn ƀok; Kơ dră tĕh đak Cộng hòa Xã hội Chủ nghĩa Việt Nam Nguyễn Xuân Phúc păng hơ kăn ƀok, năr ‘nâu Tổng Bí thư Khul kơ dră chĕp kơ̆l Trung ương Đảng Kon pơ lei Kăch mang Lào, Kơ dră tĕh đak Cộng hoà Dân chủ Nhân dân Lào Thongloun Sisoulith păng hơ kăn ƀok vă năm hơ pong tơ̆ tĕh đak bơ̆n lơ̆m 2 năr 28 păng 29/6. ‘Nâu jĭ ‘măng năm hơ pong tơ̆ tĕh đak đe mă blŭng đơ̆ng ƀok Thongloun Sisoulith hăm kơ chư̆k pơm Tổng Bí thư, Kơ dră tĕh đak Lào đơ̆ng 2021-2026.

Tổng Bí thư- Kơ dră tĕh đak Lào Thongloun Sisoulith

Til pơ gê hei, đơ̆ng rŏng kơ jur tơ̆ cham gre păr Nội Bài, Kơ dră tĕh đak Nguyễn Xuân Phúc păng hơ kăn ƀok pơ gơ̆r lêh sơng, đơ̆ng rŏng kơ ‘nŏh Tổng Bí thư Nguyễn Phú Trọng pơ gơ̆r pơ ma đam hăm Tổng bí thư, Kơ dră tĕh đak Lào Thongloun Sisoulith, 2 ‘nu ƀok Tổng Bí thư oei vă dơ̆ng lăng lêh kĭ pơ kăp lơ hla ar jang hơ doi đơ̆ng 2 tĕh đak. Kơ sơ̆ lơ̆m năr Tổng Bí thư, Kơ dră tĕh đak Lào pơ ma nuh hăm Thủ tướng Phạm Minh Chính păng Kơ dră Kuô̆k hô̆i Vương Đình Huệ.

Dơ̆ng: Tơ blơ̆