VOV4.Bahnar - Năr brei, năr 22/3, Tổng Bí thư, Kơdră chĕp pơgơ̆r Tĕh đak  Nguyễn Phú Trọng pơma dơnŭh păng điên thoăi hăm Kơdră chĕp pơgơ̆r Đảng Dân chủ Tự do, Thủ tướng Nhật Bản Suga Yoshihide. Tổng Bí thư, Kơdră chĕp pơgơ̆r Tĕh đak Nguyễn Phú Trọng bơnê kơ Đảng Dân chủ Tự do Nhật Bản hlôi pơtrŭh nơ̆r hmach chơt hơ iă ăn Pơm lê̆h hop akŏm XIII; bơnê kơ Kơdră chĕp pơgơ̆r Đảng Dân chủ Tự do, Thủ tướng Nhật Bản Suga Yoshihide hlôi pơtrŭh nơ̆r hmach chơt hơ iă ăn kơ Tổng Bí thư, Kơdră chĕp pơgơ̆r tĕh đak Nguyễn Phú Trọng.

Tổng Bí thư, Kơdră chĕp pơgơ̆r Tĕh đak  Nguyễn Phú Trọng pơma dơnŭh păng điên thoăi hăm Thủ tướng Nhật Bản Suga Yoshihide

Tổng Bí thư, Kơdră chĕp pơgơ̆r tĕh đak Nguyễn Phú Trọng pơma hơdăh, khei năr au ki tơdrong tơgoăt tơgoăl dĭh băl Việt Nam – Nhật Bản adoi nhen tơdrong tơgoăt tơgoăl ƀar păh Đảng Cộng sản Việt Nam hăm Đảng Dân chủ Tự do Nhật Bản tŏk bŏk hơnơ̆ng atŏk tơ iung ‘lơ̆ng liĕm, sơkơ̆t hơdăh, Việt Nam ling lang lăng Nhật Bản jing tĕh đak jang hơdoi tơm dơnơm hlŏh, đunh đai tai sơnăm, lui kiơ̆ dĭh băl kơtang; athei Nhật Bản hơnơ̆ng yak hơdoi, tơgŭm djru Việt Nam jang kiơ̆ jơnei rim Trong jang kăl, Tơdrong vă jang atŏk tơ iung mŭk drăm-Tơpôl mă Pơm lê̆h hop akŏm XIII hlôi pơdrơ̆ng kiơ̆, atŏk kơtang tơgoăt dĭh băl kơ jăp ƀar tĕh đak.

Tơblơ̆ nơ̆r: Amazưt