VOV4.Bahnar - Pơgê năr 16/8, tơ̆ Hà Nội, Khŭl kơdră chĕp pơgơ̆r Dơnŏ anĭh Trung ương Mặt trận Tổ quốc Việt Nam pơgơ̆r Hop akŏm trư̆k tuyên lơ̆m tĕh đak tơlĕch jang kiơ̆ kơ MTTQ Việt Nam păng rim khŭl jang găh au jang kiơ̆ Tơdrong tơchơ̆t Pơm lêh Hop akŏm Đảng lơ̆m tĕh đak ‘măng mă XIII.

Tổng Bí thư Nguyễn Phú Trọng iung pơma pơrô̆ tơ̆ hop akŏm

Vang năm păng iung pơma pơrô̆ tơ̆ hop akŏm, Tổng Bí thư Nguyễn Phú Trọng pơma hơdăh, vă jang kiơ̆ keh đang trong bơ̆ jang, trong tơlĕch jang kơ Tơdrong tơchơ̆t Pơm lêh Hop akŏm Đảng lơ̆m tĕh đak ‘măng mă XIII, ư̆h kơ đei trong ayơ ôh ‘nŏh bơ̆n kăl atŏk kơtang đei jơhngơ̆m pran tơgoăt tơgoăl hơdrĕch hơdrung atŭm hăm jơhngơ̆m pran chăl hle kơ yuơ trong chĕp pơgơ̆r trŏ ƀlep, gơ̆h hơgei đơ̆ng Đảng. Tổng Bí thư Nguyễn Phú Trọng athei Mặt trận Tổ quốc Việt Nam păng rim hơnĭh jang găh au kăl hơnơ̆ng atŏk kơtang tơ iung pơjing păng hơmet pơ ‘lơ̆ng pran kơ jăp tơgoăt tơgoăl đĭ đăng hơdrĕch hơdrung, atŏk kơtang jơhngơ̆m đon tơchăr ‘lơ̆ng hơ iă đơ̆ng rim jơhnơr kon pơlei; mă kăl, atŏk kơtang jơhngơ̆m pran tơchăr hơgei tĭh tên đơ̆ng rim răih kon pơlei. Atŭm hăm ‘nŏh lăng ba trŭh tơdrong hơpơi ‘meh vă păng đei iŏk yua ‘lơ̆ng hơ iă kơ rim kon pơlei pơla.

Tơblơ̆ nơ̆r: Amazưt