VOV4.Bahnar - ‘Năr 18/6/2021, tơ̆ Anih jang Trung ương Đảng, ƀok Tổng Bí thư Nguyễn Phú Trọng pơ gơ̆r hop akŏm Anih tơm Chĭnh trĭ, hop akŏm Ban Bí thư vă set hơ len, pơm kiơ̆ ki luơ̆t Khŭl chĕp kơ̆l pơ gơ̆r anih jang Đảng dêh char Bình Dương jăl jang 2015 - 2020, Khŭl kơ dră đảng Anih vei lăng kon pơ lei dêh char Bình Dương jăl jang 2016 – 2021 păng 1,2 ‘nu kang ƀô̆ chĕp kơ̆l, kơ dră chĕp kơ̆l so dêh char Bình Dương. Khŭl chĕp kơ̆l pơ gơ̆r anih jang Đảng dêh char Bình Dương jăl jang 2015 - 2020 pơm glăi tơ drong tơm akŏm kon pơ lei pơm tơm păng tơ chơ̆t bơ̆ jang đơ̆ng anih jang Đảng dêh char; pơm pơ hơi chĕp kơ̆l, pơ gơ̆r, ư̆h kơ hơ len lăng, dăr lăng, lê̆ 1,2 khŭl jang đảng păng đảng viên pơm glăi dôm tơ drong hơ găt đơ̆ng Đảng, khôi luơ̆t  đơ̆ng teh đak găh vei lăng, iŏk yua teh, jên, mŭk drăm đơ̆ng Đảng, teh đak tơ̆ Kŏng ti tơm pơm tơ lĕch păng tĕch răt đơ̆ng teh đak đe Bình Dương (Kŏng ti tơm 3/2) găh Anih jang Đảng dêh char Bình Dương, pơm hiong răm tôch kơ tang, hiong lơ jên jang teh đak. Anih tơm chĭnh trĭ tơ chơ̆t ki luơ̆t Khŭl chĕp kơ̆l pơ gơ̆r anih jang Đảng dêh char Bình Dương jăl jang 2015 – 2020 hăm trong pơ tho đon păng tơ lĕch tơ drong tơ chơ̆t pơm kiơ̆ ki luơ̆t hăm trong kăt kơ chư̆k jang hăm 1,2 ‘nu ƀơm truh tơ drong ‘nâu.

Thuem: Tơ blơ̆