VOV4.Bahnar - ‘Năr brei, Tổng bí thư Nguyễn Phú Trọng hlôi krao điên thoăi hăm Bí thư Đảng pơ lei tơm Hồ Chí Minh Nguyễn Văn Nên vă pơ ma dơ nuh găh tơ drong jĭ Covid-19. Mă đơ̆ng tam mă năm kơ tă tơ̆ pơ lei tơm, mă lei dôm năr âu ki kơ dih kâu Tổng bí thư ling lang vang tơ gŭm, bơ ngơ̆t truh găh đei ƀôh  jĭ hơ nuh tơ̆ pơ lei tơm Hồ Chí Minh kŭm nhen rim dêh char găh pơ băh hơ nơ̆ng rim năr. Tổng bí thư pơ truh nơ̆r apĭnh jet gia, pơ lung truh Đảng bộ, Khŭl kơ dră păng kon pơ lei pơ lei tơm Hồ Chí Minh hlôi hơ drin tơ jră hăm COVID-19 lơ̆m hloh 2 khei âu ki. Tổng bí thư lăng ‘lơ̆ng, pôk pơ ư dôm bơ ngai jang tang găn jĭ, ư̆h kơ ‘nhoen plang jơ hngơ̆m gleh hrat, mơ mat tat vă mơ̆t jang, vei lăng hơ kâu jăn kon pơ lei, hơ dai hăm ‘noh pơ trŭh nơ̆r bơ nê truh kon pơ lei, bơ ngai hơ gei, rim khŭl jang, tơ pôl jang mơ dro sa, rim bơ ngai jang tơ gŭm.... hlôi păng tŏk bŏk tơ gop năr jang tơ gop jơ hngơ̆m kŭm hăm Đảng bộ, khŭl kơ dră, kon pơ lei pơ lei tơm vang tang găn jĭ. Kiơ̆ đơ̆ng ‘măng pơ ma dơ nuh, Tổng bí thư Nguyễn Phú Trọng mĭnh ‘măng dơ̆ng tơ tă ăn pơ lei tơm Hồ Chí Minh hlôi hơ drin athei hơ drin hloh dơ̆ng, hlôi 1 jơ hngơ̆m đon ‘noh 1 jơ hngơ̆m đon hloh dơ̆ng, hlôi jang kơ tang ‘noh jang kơ tang hloh dơ̆ng.

Thuem: Tơ blơ̆