VOV4.Bahnar - Kơ sơ̆ 15/7 tơ̆ Anih jang kơ Trung ương Đảng, Tổng Bí thư Nguyễn Phú Trọng pơ ma điên thoăi hăm Kơ dră tơm Hàn Quốc Moon Jae-in. Kơ dră tơm Hàn Quốc Moon Jae-in pơ ma hơ dăh năng kăl tơ drong pơ vei hăm Việt Nam; akhan Việt Nam jĭ tĕh đak jang hơ doi gĭt kăl lơ̆m Trong jang hue lăng tơ̆ Pơ băh ‘nao tơ lĕch đơ̆ng Hàn Quốc;

Ƀok ăn tơ băt, Hàn Quốc hơ nơ̆ng tơ gŭm păng jang hơ doi kơ jăp hăm Việt Nam lơ̆m tơ drong tang găn jĭ Covid-19; hơ pơi ‘mĕh hơ tŏk hlŏh dơ̆ng tơ drong jang hơ doi đơ̆ng 2 tĕh đak găh mŭk drăm, jang tơ bôl, khul linh, vei sơ đơ̆ng tĕh đak… vă hơ tŏk kơ sô̆ jên đơ̆ng tĕch mơ dro 2 pang truh 100 ti USD, hơ nhăk tơ drong pơ vei Hàn Quốc - Việt Nam tŏk ‘lơ̆ng hlŏh dơ̆ng vă tơ băt 30 sơ năm pơ jing tơ drong pơ vei jang tơ bôl 2 tĕh đak lơ̆m sơ năm 2022.

Ƀar ‘nu Kơ dră chĕp kơ̆l drơ̆ng nơ̆r hơ nơ̆ng pơih xă tơ drong jang hơ doi, đei yoa lơ̆m rim tơ drong, hơ tŏk tơ drong jang hơ doi găh tang găn jĭ păng pơ truh vắc-xin tang găn jĭ Covid-19, pơm pơ ‘lơ̆ng hlŏh dơ̆ng tơ drong pơ vei đơ̆ng đảng, Kuô̆k hô̆i păng đơ̆ng jơ hnơr mơ lôh kơ 2 tĕh đak, hơ met kơ jăp tơ drong pơ vei ăn 2 tĕh đak păng kon pơ lei Việt Nam - Hàn Quốc tŏk pran ‘lơ̆ng ling lang.

Dơ̆ng: Tơ blơ̆