VOV4.Bahnar - Năr brei, năr 19/11, tơ̆ Hơnĭh bơ̆ jang Trung ương Đảng, Tổng Bí Thư Nguyễn Phú Trọng pơm tơm hop akŏm Dơnŏ anĭh tơm Chĭnh trĭ, Ban Bí thư vă lăng hơlen, jang kiơ̆ tơbrar Khŭl kơdră chĕp pơgơ̆r Đảng Dơnŏ anĭh tơm vei lăng jang pơgang, Khŭl kơdră chĕp pơgơ̆r đảng Dơnŏ anĭh vei lăng kon pơlei dêh char Hà Nam jăl jang 2016 - 2021 păng mĭnh ƀar ‘nu bơngai ‘nŏh Kơdră chĕp pơgơ̆r, kơdră so chĕp pơgơ̆r Dơnŏ anĭh tơm jang pơgang păng kơ dêh char Hà Nam. Hơlen rim tơdrong đei ƀơm kơnê̆, tơdrong pơm glăi, kơ dĭh pơma tơbăt tơpăt păng tơbrar, hơdrin hơmet pơ ‘lơ̆ng rim tơdrong pơm glăi, tơdrong jang tim mă ƀlep đơ̆ng rim khŭl đảng păng rim bơngai, Dơnŏ anĭh tơm Chĭnh trĭ tơchơ̆t jang kiơ̆ tơbrar hăm Khŭl kơdră chĕp pơgơ̆r Đảng Dơnŏ anĭh tơm vei lăng jang pơgang jăl jang 2016 - 2021; jang kiơ̆ tơbrar, adoi tơlĕch jang kơchư̆k Kơdră Hơnĭh jang vei lăng năng tông jơhngơ̆m jăn kang ƀô̆ Trung ương hăm yă Nguyễn Thị Kim Tiến. Ban Bí thư tơbrar hăm Khŭl kơdră chĕp pơgơ̆r đảng Dơnŏ anĭh vei lăng kon pơlei dêh char Hà Nam jăl jang 2016-2021; jang kiơ̆ tơbrar hăm trong Tơlĕch jang Đảng hăm ƀok Trương Quốc Cường; jang kiơ̆ tơbrar hăm ƀok Nguyễn Xuân Đông; tơlĕch jang lơ̆m Khŭl kơdră Dơnŏ anĭh chĕp pơgơ̆r Đảng dêh char Hà Nam jăl jang 2020 - 2025 hăm ƀok Đinh Văn An.

Tơblơ̆ nơ̆r: Amazưt