VOV4.Bahnar - Năr 05/4 , ƀok Nguyễn Phú Trọng, Tổng Bí thư Dơnŏ anĭh chĕp pơgơ̆r Trung ương Đảng bơ̆n hlôi pơma dơnŭh păng điên thoăi hăm Ƀok Kơdră tơm Nga Vladimir Putin. Ƀok kơdră tơm Nga pơma tơbăt jơhngơm chơt hơ iă tơdrong iŏk đei jơnei kơ Pơm lê̆h hop akŏm Kơdră tang măt  lơ̆m tĕh đak ‘măng mă XIII kơ Đảng Cộng sản Việt Nam, hmach ăn kơ ƀok Nguyễn Phú Trọng đei pôk tơmơ̆t dơ̆ng jang Tổng Bí thư Dơnŏ anĭh chĕp pơgơ̆r Trung ương Đảng jăl XIII.

Ƀar ‘nu kơdră pơma hơdăh, tơdrong tơgoăt tơgoăl Việt Nam - Liên ƀang Nga đei atŏk tơ iung ‘lơ̆ng hơ iă lơ̆m rim tơdrong. Lơ̆m khei năr kơnh, ƀar păh hơnơ̆ng hơdrin đei rim trong jang hơdăh pơtrŭt kơtang jang hơdoi lơ̆m rim tơdrong vei lăng sơđơ̆ng, vei lăng tĕh đak, ŭnh hơyŭh, đak dau yuh sŏh, mŭk drăm, mơdro sa, pơtho pơhrrăm, tơmang pơ hiơ̆, tang găn jĭ Covid-19 lơ̆m au đei tơdrong ‘moi kiơ̆ rim trong jang phara dĭh băl pơjao, tơgum djru chă tơchĕng, pơm tơlĕch vaccine Covid-19 păng jang hơdoi lơ̆m tơdrong jang đảng.

Tơblơ̆ nơ̆r: Amazưt