VOV4.Bahnar - Pơ gê 7/12 tơ̆ Anih jang kơ Trung ương Đảng, Tổng Bí thư Nguyễn Phú Trọng sơng ƀok Xay-xổm-phon Phôm-vi-hản păng Khul tang măt ăn Kuô̆k hô̆i Lào.

Kơ dră Kuô̆k hô̆i Lào roi tơ băt ăn Tổng Bí thư Nguyễn Phú Trọng găh tơ drong tơ̆ Lào tơ jê̆ âu, mă loi jĭ tơ drong jang kiơ̆ tơ drong tơ chơ̆t đơ̆ng Hop akŏm mă XI kơ Đảng; găh tơ drong pơ ma đam hăm Kơ dră Kuô̆k hô̆i Vương Đình Huệ păng hop akŏm pơ ma nuh găh tơ drong jang đơ̆ng 2 Kuô̆k hô̆i. Ƀok pơ ma hơ dăh, Kuô̆k hô̆i Lào vă jang hơ doi kơ jăp hăm Kuô̆k hô̆i Việt Nam bơ̆ jang ‘lơ̆ng dôm tơ drong Drơ̆ng nơ̆r đơ̆ng Kơ dră chĕp kơ̆l 2 Đảng, 2 tĕh đak păng Drơ̆ng nơ̆r jang hơ doi đơ̆ng 2 Kuô̆k hô̆i. 

Tổng Bí thư Nguyễn Phú Trọng pơ ma hơ dăh Việt Nam tơ gŭm tôch ai păng tôm tơ drong ăn tơ drong jang tơ plih ‘nao đơ̆ng Lào păng lui hăm tơ drong juăt jang kăch mang, hăm tơ drong chĕp kơ̆l pơ gơ̆r đơ̆ng Đảng Kon pơ lei Kăch mang Lào, tơ drong pơ gơ̆r jang đơ̆ng Khul kơ dră tĕh đak, tơ drong dăr lăng đơ̆ng Kuô̆k hô̆i, kon pơ lei Lào hơ nơ̆ng iŏk đei jơ nei ‘nao, tih hlŏh dơ̆ng lơ̆m tơ drong jang tơ plih ‘nao, bơ̆ jang đei jơ nei tơ drong Tơ chơ̆t đơ̆ng Hop akŏm mă XI kơ Đảng.

Dơ̆ng: Tơ blơ̆