VOV4.Bahnar - Tơ̆ Anih bơ̆ jang Trung ương Đảng, Tổng Bí thư Nguyễn Phú Trọng hlôi đei jơ sơng ƀok Ngụy Phượng Hòa, bơ ngai jang lơ̆m Quốc vụ, Kơ dră tơm vei lăng khŭl linh Trung Quốc năm tơ mang tơ̆ Việt Nam păng vang pơ ma dơ nuh tơ bôl khŭl linh sơ lam Việt Nam - Trung Quốc ‘măng mă 6. Tơ̆ jơ sơng, Tổng Bí thư Nguyễn Phú Trọng hmach chơt hơ iă jơ nei đơ̆ng pơ ma dơ nuh tơ bôl khŭl linh sơ lam Việt Nam-Trung Quốc ‘măng mă 6 păng pơ ma dơ nuh tơ drong jang khŭl linh tơ̆ phŏ kơ dră tơm ‘măng mă 7 đơ̆ng Anih tơm vei lăng khŭl linh 2 teh đak. Tổng Bí thư Nguyễn Phú Trọng hmach chơt hơ iă kơ Trung Quốc ‘nao pơ gơ̆r jơ nei ‘măng hop akŏm mă puăn Lưỡng hội jăl 13, ‘moi kiơ̆ Trong pơ proh jang 5 sơ năm mă 14; Tổng Bí thư pơ ma hơ dăh tơ drong lăng kăl đơ̆ng Đảng, teh đak păng kon pơ lei Việt Nam hăm tơ drong pơ vei jang hơ dai tôm tơ drong Việt Nam – Trung Quốc, tơ drong tơ gŭm băl lơ̆m jơ hnơr arih kơ Đảng, teh đak păng kon pơ lei 2 teh đak; ‘mĕh vă 2 Đảng, 2 teh đak gô hơ nơ̆ng hơ drin vă vei lăng cham char rơ ngei, jang hơ dai kiơ̆ lơ̆m pơ yom tơ drong đei yua trŏ ƀlep đơ̆ng băl, tơ drong pơ vei tơ bôl yua kơ đei yua atŭm ‘noh jĭ rơ ngei, sơ đơ̆ng, jang hơ dai lơ̆m tơ ring păng lơ̆m apŭng plĕnh teh.

Thuem: Tơ blơ̆