VOV4.Bahnar - ‘Năr 14/11, Tổng Bí thư Nguyễn Phú Trọng truh akŏm lơ̆m Năr tơ guăt đĭ đăng hơ drĕch hơ drung tơ̆ hnam hŏk hôp thôn 5, xăh Yên Sở, apŭng Hoài Đức, plt Hà Nội.

Tổng Bí thư Nguyễn Phú Trọng truh akŏm lơ̆m Năr tơ guăt đĭ đăng hơ drĕch hơ drung tơ̆ Hà Nội

Pơ ma nuh hăm kon pơ lei tơ̆ âu, Tổng Bí thư Nguyễn Phú Trọng hơ iă mưh ƀôh kăn ƀô̆ păng kon pơ lei thôn 5 hơ tŏk tơ drong tơ guăt 1 ƀơ̆r đon, tơ gŭm băt lơ̆m tơ drong jang xa hăm lơ tơ drong jang, tơ mât yoa, jang kiơ̆ khoa hŏk ki thuơ̆t ‘nao, dang ei Thôn lăp oei đei pă 5 unh hnam vă jê̆ tơ nuh păng ưh đei unh hnam tơ nuh.

Tổng Bí thư Nguyễn Phú Trọng athei, khul kơ dră tơ ring păng kon pơ lei hơ nơ̆ng chĕp vei tơ drong juăt jang kăch mang, tơ drong juăt ‘lơ̆ng păng tơ guăt 1 ƀơ̆r đon, khŏm pơ jing Thôn 5, xăh Yên Sở kŭm nhen đĭ đăng tơ ring kon pơ lei oei lơ̆m plt Hà Nội roi đunh roi pơ drŏng ‘lơ̆ng rŏ, gơ̆h hơ gei.

Dơ̆ng: Tơ blơ̆