VOV4.Bahnar - Pơ gê 16/12 tơ̆ Hà Nội, Quân ủy Trung ương pơ gơ̆r Hop akŏm mă 3, jăl jang đơ̆ng 2020 - 2025 pơ drơ̆ng nơ̆r ăn Hla ar chih tơ roi găh tơ drong jang khul linh, vei sơ đơ̆ng tĕh đak sơ năm 2021, chih hơ dăh trong chĕp kơ̆l pơ gơ̆r bơ̆ jang găh khul linh, vei lăng tĕh đak păng pơ jing Đảng ƀô̆ khul linh sơ năm 2022. Tổng Bí thư Nguyễn Phú Trọng, Bí thư Quân ủy Trung ương pơ gơ̆r hop akŏm.

Pơ ma ƀât blŭng hop akŏm, Tổng Bí thư Nguyễn Phú Trọng hơ pơi ‘mĕh, dôm bơ ngai tang măt akŏm jơ hngâm tơ chĕng hơ len, tơ gop nơ̆r pơ ma nuh, hơ len năng Hla ar chih tơ roi găh tơ drong jang khul linh, vei sơ đơ̆ng tĕh đak sơ năm 2021, păng drơ̆ng nơ̆r chih hơ dăh trong chĕp kơ̆l pơ gơ̆r bơ̆ jang tơ drong jang khul linh, vei sơ đơ̆ng tĕh đak păng tơ iung pơ jing Đảng ƀô̆ Khul linh sơ năm 2022 păng đĭ jăl jang. 

Kơ sơ̆ hơ dai lơ̆m năr, ƀok Đại tướng Phan Văn Giang, Kơ dră tơm vei lăng khul linh tĕh đak pơ gơ̆r hop akŏm Quân ủy Trung ương pơ drơ̆ng nơ̆r ăn: Tơ drong tơ chơ̆t đơ̆ng Quân ủy Trung ương găh “Tơ iung jơ hngâm đon ‘lơ̆ng đơ̆ng “Ƀô đô̆i Ƀok Hô”; Hla ar chih pơ tôch tơ drong jang kiơ̆ Tơ drong tơ chơ̆t đơ̆ng Quân ủy Trung ương găh “Chĕp kơ̆l pơ gơ̆r bơ̆ jang, tưk tơ iung mŭk drăm hơ dai hăm vei lăng tĕh đak đơ̆ng khul linh truh sơ năm 2020”…

Dơ̆ng: Tơ blơ̆