VOV4.Bahnar - Drơ̆ng nơ̆r krao hơ vơn đơ̆ng Anih chĕp kơ̆l pơ gơ̆r Trung ương Đảng Cộng Sản Trung Quốc, gơ măng brei (6/7), Tổng Bí thư Nguyễn Phú Trọng chĕp kơ̆l khŭl tang măt gĭt kăl Đảng Cộng sản Việt Nam vang hop akŏm tih trực tuyến đơ̆ng Đảng Cộng sản Trung Quốc hăm rim đảng lơ̆m apŭng plĕnh teh. Hop kŏm đei hơ năn “Yua kơ tơ drong hiôk hian kơ kon pơ lei, hơ năp jang kơ Đảng”, đei tơ drong vang akŏm đơ̆ng dang 10 rơ bâu ‘nu bơ ngai tang măt truh đơ̆ng 500 Đảng păng grŭp jang lơ̆m apŭng plĕnh teh. Tơ drong Trung Quốc hơ vơn Tổng Bí thư Nguyễn Phú Trọng vang hop akŏm păng pơ ma tơ̆ hop akŏm tơ ƀôh tôch kơ lăng kăl hơ năp jang, anih dơ̆ng apŭng plĕnh teh đơ̆ng Đảng păng teh đak bơ̆n, tơ drong pơ vei Việt Nam – Trung.

Tổng Bí thư Nguyễn Phú Trọng

Mă kăl ‘noh, tơ drong Tổng Bí thư Nguyễn Phú Trọng vang akŏm păng đei ƀai pơ ma tơ̆ hop akŏm kŭm sơ kơ̆t hơ dăh tơ̆ kơ sô̆ lơ hloh tơ drong lăng kăl đơ̆ng Đảng bơ̆n hăm Đảng Cộng sản Trung Quốc, tơ drong pơ vei 2 Đảng, 2 teh đak Việt Nam – Trung Quốc; tơ ƀôh Đảng Cộng sản Việt Nam ling lang lăng kăl tơ drong jang tơ bôl kiơ̆ lơ̆m hơ tŏ hơ nơ̆ng, pơ yom băl, ling lang hơ dai hăm rim đảng, rim teh đak vang tơ gop ‘lơ̆ng ăn rim tơ drong atŭm kơ apŭng plĕnh teh.

Thuem: Tơ blơ̆