VOV4.Bahnar - Năr 20/12, tơ̆ Hà Nội hlôi pơgơ̆r Hop akŏm Khŭl Đảng Kŏng ang Trung ương. Pơrô̆ tơ̆ hop akŏm, Tổng Bí thư Nguyễn Phú Trọng sơkơ̆t hơdăh, hăm kyŭl jang Kŏng ang sơnăm 2021 jing mĭnh sơnăm glĕh hrat, mă lei jei tôch hưch hanh hơmanh bơnê, pơm ăn đei lơ tơdrong hơ iă.

Tổng Bí thư Nguyễn Phú Trọng iung pơma pơrô̆ tơ̆ hop akŏm

Kơ yuơ tơdrong chĕp pơgơ̆r đơ̆ng Đảng, tơdrong vei lăng, pơrô̆ jang đơ̆ng Tĕh đak, pơ đĭ khŭl kŏng ang kon pơlei jang keh đang tôm tơdrong bơ̆ jang lơ̆m sơnăm au, lơ̆m au đei lơ tơdrong jang hlôi jang keh đang ‘lơ̆ng hlŏh nhen: jang keh đang bơ̆ jang, bơ̆ jang pơrô̆ pơrôp lơ̆m khei ‘năr mơmat tat; vang jang kơtang, jơnei lơ̆m iung tơ jră tang găn sa pơgơ̆m pơjĭp, tơdrong au to. Pơma trŭh rim tơdrong jang lơ̆m khei năr kơnh, Tổng Bí thư Nguyễn Phú Trọng athei, Khŭl Đảng Kŏng ang Trung ương, khŭl kŏng ang kon pơlei hơnơ̆ng kiơ̆ yok rok jơ̆ng tơdrong jang hlôi iŏk đei jơnei lơ̆m khei năr au ki, iung jang băt hơdăh tơdrong, ư̆h kơ lê̆ ư̆h tom băt lơ̆m rim tơdrong. Tơlĕch jang kơ tang rim trong jang, trong xek tơlang tơtom hăm tơdrong sơđơ̆ng dơ̆ng kơ jăp rim tơdrong pơgơ̆r chĭnh trĭ gĭt kăl lơ̆m tĕh đak.

Tơblơ̆ nơ̆r: Amazưt