VOV4.Bahnar - Pơgê năr 15/9 tơ̆ Hà Nội, Dơnŏ anĭh vei lăng rim tơdrong jang lơ̆m tĕh đak Trung ương pơgơ̆r hop akŏm lơ̆m teh đak rim Hơnĭh bơ̆ jang vei lăng rim tơdrong jang lơ̆m tĕh đak tơlĕch jang kiơ̆ Tơdrong tơchơ̆t Pơm lêh hop akŏm mă 13 kơ Đảng.

Tổng Bí thư Nguyễn Phú Trọng vang năm păng iung pơma pơrô̆ lơ̆m jơ pơgơ̆r hop akŏm. Iung pơma tơ̆ hop akŏm, Tổng Bí thư Nguyễn Phú Trọng pơma hơdăh, mĭnh Tĕh đak, mĭnh tơpôl ‘mĕh vă ‘lơ̆ng hơ iă hlŏh lei ‘ngoăih tơdrong pơtho pơhrăm, pơtho khan, kăl đei tơdrong pơkăp kơ tĕh đak, kăl đei khôi luơ̆t kơ hret vă vei lăng tơdrong ‘lơ̆ng, tơdrong ƀlep; pơđep, xek tơlang rim tơdrong kơnê̆, tơdrong glăi, đei pơm kơnê̆ ăn kon pơlei ăn tĕh đak, ‘nŏh jing kăl đei vei lăng hăm tơdrong pơkăp, khôi luơ̆t, kăl đei hơnăp jang tĕh đak, păng ‘mĕh vă lơ lŏh lei kăl đei rim hơnĭh bơ̆ jang vei lăng tơdrong lơ̆m tĕh đak. ‘Moi kiơ̆ trong au, Tổng Bí thư Nguyễn Phú Trọng athei, rim hơnĭh bơ̆ jang vei lăng tơdrong lơ̆m tĕh đak kăl ,sơđơ̆ng ăn tơdrong chĕp pơgơ̆r, pơrô̆ jang kơtang, tôm tong đơ̆ng Đảng hăm rim hơnĭh bơ̆ jang vei lăng tơdrong lơ̆m tĕh đak pơma atŭm păng atok kơtang chĕp pơgơ̆r kơtă tôm tơdrong đơ̆ng Đảng hăm khŭl ƀô̆ đô̆i kŏng ang pơma hơdrô̆. ‘Nau jing tơdrong kăl hlŏh vă iŏk đei jơnei bơ̆ jang keh đang rim trong jang pơjao ăn.

Tơblơ̆ nơ̆r: Amazưt