VOV4.Bahnar - Tơ̆ Hơnĭh bơ̆ jang Trung ương Đảng, Tổng Bí thư Nguyễn Phú Trọng, Kơdră chĕp pơgơ̆r Đảng Nhân dân Campuchia, Thủ tướng Tĕh đak Campuchia Hun Xen hăm Tổng Bí thư, Kơdră chĕp pơgơ̆r tĕh đak Lào Thoong-lun Xỉ-xu-lít ‘nao đei ‘Măng tơ ƀơ̆p kơdră kơpal Việt Nam - Campuchia - Lào.

Tổng Bí thư Nguyễn Phú Trọng vang năm ‘măng tơ ƀơ̆p kơdră kơpal  Việt Nam - Campuchia – Lào

Tơ̆ ‘măng tơ ƀơ̆p pêng ‘nu Kơdră chĕp pơgơ̆r Đảng hlôi pơma dơnŭh găh tơdrong jang hơdoi lơ̆m khei năr au ki; pơma dơnŭh găh trong jang hơdoi lơ̆m khei năr kơnh; vang drơ̆ng mĭnh nơ̆r găh tơdrong kăl joăt joe đơ̆ng sơ̆, tơgoăt mĭnh ƀơ̆r đon, tơgoăt kơ jăp ƀar păh pêng đảng, pêng tĕh đak. Pêng ‘nu kơdră chĕp pơgơ̆r drơ̆ng mĭnh nơ̆r atŏk kơtang jang hơdoi lơ̆m rim tơdrong; jang kiơ̆ jơnei rim trong jang hrei au păng hơnơ̆ng pơma dơnŭh, jang hơdoi rim tơdrong lơ̆m khei năr kơnh, kơ yuơ kon pơlei pêng tĕh đak, kơ yuơ rơngei hiôk hian, sơđơ̆ng, jang hơdoi păng atŏk tơ iung lơ̆m tơring păng lơ̆m apŭng plĕnh tĕh.

Tơblbơ̆ nơ̆r: Amazưt