VOV4.Bahnar - Pơ gê ‘năr (20/7), Tổng Bí thư Nguyễn Phú Trọng kŭm hăm rim kơ dră chĕp kơ̆l Đảng, teh đak vang pơm lêh pơ gơ̆r ‘Măng hop akŏm mă mônh, Kuôk hô̆i jăl 15 đei pơ gơ̆r tih tơ̆ Anih hop akŏm Diên Hồng tơ̆ Anih tơm Hà Nội. Pơ ma tơ̆ ‘măng hop a kŏm, Tổng Bí thư Nguyễn Phú Trọng athei, Kuôk hô̆i kăl hơ nơ̆ng hơ tŏk pran hloh dơ̆ng hơ năp jang, anih dơ̆ng đơ̆ng kơ dih lơ̆m tơ drong pơm pơ jing kiơ̆ khôi luơ̆t ăn rim tơ drong jang kơ teh đak, pơ vih pơ văn hơ năp jang hơ tŏk tơ iung mŭk drăm - tơ pôl, vei sơ đơ̆ng teh đak, tơ bôl.

Tŭn hrĕnh păng hơ tŏk ‘lơ̆ng tơ lĕch rim hla ar khôi luơ̆t; jăh pơ jing tơ drong jang khôi luơ̆t tôm, hrơ̆ch 1 ‘măng, vei sơ đơ̆ng ‘lơ̆ng, pơm lăp hăm ‘mĕh vă đơ̆ng yan âu. Jĭ anih jang tang măt gĭt kăl hloh kơ kon pơ lei, anih jang chĕp kơ̆l tih hloh teh đak kơ teh đak Cộng hoà xã hội chủ nghĩa Việt Nam, Tổng Bí thư athei Kuôk hô̆i kăl hơ tŏk dôm tơ drong jang đei păng hlôh vao đơ̆ng 75 sơ năm âu ki, hơ nơ̆ng tơ plih ‘nao, hơ tŏk ‘lơ̆ng hloh dơ̆ng păng đei yua bơ̆ jang vă pơm lăp ‘lơ̆ng hloh tơ drong ‘mĕh vă, hơ năp jang chĭnh trĭ kơ teh đak lơ̆m jăl jang ‘nao.

Thuem: Tơ blơ̆