VOV4.Bahnar - Pơ gê 18/11, tơ̆ Anih jang kơ Trung ương Đảng, pơ gơ̆r hop akŏm Kơ dră chĕp kơ̆l Anih pơ gơ̆r jang kơ TƯ găh tang găn xa pơ jĭp, tơ drong kơ nê̆, hăm tơ drong pơ gơ̆r đơ̆ng Tổng Bí thư Nguyễn Phú Trọng. Hop akŏm vă pơ ma nuh, tơ gop nơ̆r sek tơ lang 1,2 tơ drong glăi găh Anih pơ gơ̆r jang hơ len năng, pơ gơ̆r sek; hơ met ming, chih tơ mât dơ̆ng 1,2 tơ drong hơ găt bơ̆ jang păng tơ drong Tơ chơ̆t klăih song hơ năp jang ăn dôm bơ ngai jang lơ̆m Anih pơ gơ̆r. 

Jơ bơ̆ jang lơ̆m hop akŏm

Tơ̆ hop akŏm, Kơ dră chĕp kơ̆l Anih pơ gơ̆r drơ̆ng nơ̆r akhan, đơ̆ng rŏng hop akŏm mă 19 (khei 1/2021) kơ Anih pơ gơ̆r jang truh dang ei, dôm anih jang đảng, anih jang kơ pal đei lơ tơ drong adrin, bơ̆ jang tơ păt ‘lơ̆ng kiơ̆ nơ̆r tơ chơ̆t đơ̆ng Anih pơ gơ̆r, hlôh vao, tơ lĕch jang ‘lơ̆ng tơ drong tang găn tơ drong kơ nê̆, xa pơ jĭp, kăl hlŏh jĭ tơ drong kơ nê̆ găh đon tơ chĕng chinh trĭ, jơ hngâm đon, trong arih xa. Anih pơ gơ̆r kŭm akhan, tơ drong chă ƀôh, sek tơ lang dôm tơ drong glăi, tơ drong xa pơ jĭp kŭm đei ƀôh roi ‘lơ̆ng ƀiơ̆.

Dơ̆ng: Tơ blơ̆