VOV4.Bahnar - Khei năr âu ki, rim tơring groi kông hlôi adrin chơ chă lơ trong jang vă xut le# pơngot tơjur hin dơnuh ăn kon pơlei kon kông. Ato\k tơmang pơhiơ\ lơ\m tơpôl kon pơlei jing minh lơ\m dôm trong jang đei lơ tơring rơih păng pơtơm đei io\k lơ tơdrong jơnei hơ iă.

Unh hnam pơmai Lường Thị Hồng Chung oei tơ\ pơlei Chao Hạ, xăh Nghĩa Lợi, th^ xăh Nghĩa Lộ jing anih juăt jue kơ tơmoi truh tơmang tơ\ tơring pơmơ\t dêh char Yên Bái.  Truh tơ\ âu, tơmoi đei axong oei lơ\m hnam kjung tơno\, vang ako\m dôm tơdrong  joh ayo\ kơdo\ xuang hăm kon pơlei Thái, đei xa dôm tơmam xa kăp g^t. Rim xơnăm, unh hnam pơmai Chung xơng kơ rơbâu ‘nu tơmoi lơ\m teh đak bơ\n păng đơ\ng teh đak truh tơmang, đei io\k yua hloh 100 triu hlak jên minh xơnăm, jing unh hnam đei [ôh hloh lơ\m xăh.

Duh tơ\ xăh Nghĩa Lợi, th^ xăh Nghĩa Lộ, 13 unh hnam jang lơ\m gru\p drăkăn tơ\ dôm pơlei Sà Rèn păng Chao Hạ 1 hlôi vang jang kiơ\ pơkăp “Pơjing um ru\p tơmang pơhiơ\ tơpôl tơguăt hăm tơjur hin dơnuh păng pơjing tơring pơxe\l ‘nao”, hăm kxo# jên 260 triu hlak jên. Rim unh hnam vang jang jing dôm unh hnam kăp g^t oei răk vei um ai joh ayo\ kră xơ\ lơ\m tơdrong erih kơ tơpôl kon pơlei Thái,  ‘meh vă đei jang tơmang pơhiơ\ vă klaih đơ\ng hin dơnuh. Rim unh hnam xơng đơ\ng 500 truh 800 ‘nu tơmoi truh tơmang rim xơnăm, mă g^t noh đei unh hnam xơng đei kơ rơbâu ‘nu tơmoi truh tơmang. Pơmai Lường Thị Hồng Chung, oei tơ\ thôn Chao Hạ, xăh Nghĩa Lợi, th^ xăh Nghĩa Lộ ăn tơbăt: (Jang tơmang pơhiơ\ lơ\m tơpôl kon pơlei noh ưh kơ đei tơnap. Mă hăt noh ba athei adrin răk vei dôm khôi kră xơ\ kơ hơdrung hơdre\ch po, đang kơ noh tơbang truh hăm tơmoi. Đơ\ng jang tơmang pơhiơ\ lơ\m tơpôl kon pơlei noh tơmoi truh hăm unh hnam inh kơdra#m hloh. Chơt hơ iă dêh. Gơnơm jang tơmang pơhiơ\ mă nhôn đei dơ\ng tơdrong jang xa, da [iơ\ kơ tơnap tap).

Lơ\m dôm xơnăm tơje# âu, apu\ng groi kông tơnap tap Mù Cang Chải hlôi jing anih truh tơmang hơ iă kơ lơ tơmoi, ưh kơ adro# yuơ cham char ‘lơ\ng ro\ đei na[a um knao kung mă tơmoi oei đei ako\m lơ\m tơdrong et xa joh ayo\ kơ kon pơlei Mông tơ\ tơring âu. Tơmoi truh roi năr roi kơdra#m, mă hăt noh lơ\m khei năr pơgơ\r {lon joh ayo\ tơmang pơhiơ\ kơ teh đak găh na um knao kung Mù Cang Chải ăh xơnăm 2015 đei dôm j^t rơbâu ‘nu tơmoi truh ako\m tơ\ âu. Xơng tơmoi truh tơmang, ‘ngoaih kơ tơdrong pơgơ\r lơ tơdrong joh ayo\ kăp g^t, apu\ng Mù Cang Chải duh pơgơ\r eim unh hnam kon pơlei lơ\m tơring xơng tơmoi vih tơ\ hnam pơdơh pơdei, vă tơmoi gơh rơhơi tơje# hăm cham char păng chă răh to\ xe\t kon jên ăn unh hnam. Jo# ăh khei [a đum dang khei 8 păng khei 9 yơ\ng âu ki, đei unh hnam xơng truh  200 ‘nu tơmoi, đei io\k yua dôm j^t triu hlak jên. Minh kxo# ưh kơ đei to\ xe\t hăm dôm unh hnam tơ\ tơring groi kông mă xơ\ adro# gơnơm lơ\m mir na đe\ch. {ok Lò Văn Sê, oei tơ\ kueng 10, th^ tra#n Mù Cang Chải ăn tơbăt: (Adrol âu ki noh tơdrong erih tơ\ pơlei âu tơnap tap dêh, dang ei đei Đảng, teh đak tơre\k tơgu\m, lơ unh hnam vang jang găh tơmang pơhiơ\, tơmoi truh tơmang kơdra#m. Kon pơlei bu bu duh chơt hơ iă, nhôn gô pơtoi hơto\k găh tơmang pơhiơ\ lơ\m tơpôl pơlei pơla).

Adro# lơ\m 1 khei kơ âu, dêh char Yên Bái hlôi hơvơn đei hloh 26.500 ‘nu tơmoi truh tơmang. Tơmoi truh hăm Yên Bái lơ noh yuơ Yên Bái pơgơ\r {lon ako\m joh ayo\ tơmang pơhiơ\ Mường Lò păng {lon joh ayo\ tơmang pơhiơ\ cham char ‘lơ\ng ro\ kơ na um knao kung Mù Cang Chải xơnăm 2015. Tơdrong chă oei xa, tơmang pơhiơ\ hlôi pơyua je# 105 tih hlak jên lơ\m khei 9, kơche\ng lăng lơ\m xơnăm âu gô đei pơhlom 1.246 tih hlak jên, tam mă jo# kơ rơbâu ‘nu tơmoi pơdơh pơdei kơdih dăh mă vih pơdơh pơdei tơ\ hnam kon pơlei tơ\ tơring. ‘Nâu tơpă jing kxo# kăp g^t hăm dêh char tơring groi kông nhen  Yên Bái, pơih minh trong jang ato\k tơmang pơhiơ\. Yă Lương Thị Xuyến, Pho\ kdră anih vei lăng kon pơlei apu\ng Mù Cang Chải ăn tơbăt:(Tơmang pơhiơ\ lơ\m tơpôl kon pơlei noh nhôn tơre\k kăp g^t. Đơ\ng xơnăm 2013 nhôn hlôi pơtho ăn dôm unh hnam kon pơlei jang tơmang pơhiơ\. Yơ\ng âu ki, nhôn pơtoi hơlen, hơvơn kon pơlei tơ\ minh [ar anih ato\k tơmang pơhiơ\, nhôn duh axong to\ xe\t kon jên vă tơgu\m ăn kon pơlei ming hơmet hnam oei, hơmet tơmam drăm kăl vă xơng đei tơmoi truh tơmang lơ\m pơyan tơmang pơhiơ\)

Ato\k tơmang pơhiơ\ gơnơm lơ\m dôm tơdrong hlôi đei, mưh jang đei jơnei noh âu jing minh lơ\m dôm hơyak nơnăm tro\ [lep ăn tơdrong jang tơjur hin dơnuh kjăp xđơ\ng tơ\ dôm tơring groi kông, tơring ataih yaih, tơring kon pơlei kon kông.

Lan chih păng rapor