VOV4.Bahnar  – Pơgê năr (1/12), tơ̆ dôm dêh char Tŏk bŏk 'mi hlôi prăng, đak tơ̆ dôm đak krong tŏk bŏk oei och. 'Mi kial đak hơbông pơm đak lâ̆p lang xă, pơm 9 'nu bơngai lôch. Jơnŭm pơgơ̆r tơring hơvơn khul jang tơgŭm kon pơlei tenh kuăng hơmet trong nơnăm. Tơ̆ apŭng Nam Trà My, dêh char Quảng Nam, 'mi tih pơdui đunh năr kơ âu hlôi pơm lơ anih teh hơlih. Khul jang tơ̆ tơring atŭm hăm kon pơlei akŏm hơmet ming vă gơh đei trong vih vơ̆t. 'Mi kial tơ̆ dêh char Bình Định pơm 3 'nu bơngai lôch, 2 'nu rơka păng hloh 31 rơbâu tŏ hnam ƀơm đak lâ̆p, 1.250 tŏ ier ƀơm đak tơhiu. Dang ei, anih jang găh trong nơnăm dêh char âu tŏk bŏk oei hơvơn dôm anih jang vei lăng, hơmet ming trong nơnăm vih vơ̆t. 'Mi kial tơ̆ dêh char Phú Yên hlôi pơm 6 'nu bơngai lôch. 'Mi tih atŭm hăm dôm dơnâu mong đak pơm tơlĕch unh hơyuh đak pơro pơm hloh 28 rơbâu unh hnam kon pơlei tơ̆ dôm apŭng Tuy An, Phú Hòa, Đồng Xuân păng plei tơm Tuy Hòa ƀơm đak lâ̆p kơtang.

Lan chih păng pơre nơ̆r