VOV4.Bahnar - Tơ drong jang pơm trong Đông – Tây kơ pơ lei tơm Buôn Ma Thuột, dêh char Dak Lak đei jên tơ mât jang hlo\h 1 rơ bâu ti hlôi tơ le\ch jang đei 5 sơ năm mă lei oei tam mă ke\h. Tơ drong tơm ‘no\h yoa tơ hlăk lơ\m tơ drong chưk pơ ‘ngoăih te\h. Kiơ\ trong jang, jên hru\ ‘mong vă chưk pơ ‘ngoăih te\h blu\ng a lăp 220 ti đe\ch, dang ei to\k hlo\h 3 ‘măng.

Jăl trong Đông- Tây kơ pơ lei tơm Buôn Ma Thuột (dêh char Dak Lak) kơ jung vă je# 7km, đei kơ\l trong [ât trong Lê Duẩn- Đinh Tiên Hoàng, hơ n^h mă hơ tuch ‘no\h tơ [ưh trong gre 27 hăm trong mât tơ\ Cham gre păr Buôn Ma Thuột. Tơ drong jang yoa Dơ no\ an^h vei lăng kon pơ lei plt Buôn Ma Thuột pơm tơ ‘ngla tơ mât jên jang, ako\m đ^ đăng jên vă jang blu\ng a ‘no\h 998 ti, lơ\m no\h trung ương tơ gu\m 90%, jên tơ\ tơ ring ‘no\h 10%. 

Tơ drong jang pơm trong oei ch^l 2 păh kơ\l

Yoa lơ tơ drong, mă tơ drong jang ‘nâu ưh đei jang ke\h tro\ năr hơ găt blu\ng a (2015-2017), athei hơ met ming dơ\ng năr jang ke\h [ât hơ tuch sơ năm 2020 âu kơnh. Mă lei truh dang ei, Trong gre Đông- Tây plt Buôn Ma Thuột ‘nao pơm đei dang 4,3km man tam ke\h ‘năi. Găh 2 păh kơ\l trong, kơ jung oei pă 2,6km, oei tam đei chưk pơ ‘ngoăih te\h. {ok Trương Văn Chính, Kơ dră An^h ato\k tơ iung te\h kơ plr Buôn Ma Thuột, an^h đei pơ jao chưk pơ ‘ngoăih te\h ăn tơ băt, đei lơ tơ drong tơ hlăh lơ\m tơ drong jang ‘nâu, mă loi j^ tơ drong tơ le\ch jên păng tơ plih tơ drong hơ găt găh kơ jă jên hru\ ‘mong:

“Tơ hlăk yoa te\h đak ưh kơ măh jên, tơ hlăk yoa tơ le\ch tơ drong hơ găt mă lei ưh đei chih pơ tăl đơ\ng tơ drong Tơ chơ\t 43 oei pơ lôh pơ lônh, tam mă bơ\ jang đang đ^ đei tơ drong tơ chơ\t 22 bơih. Mă tro\ ‘no\h mưh Tơ drong tơ chơ\t 22 đei tơ le\ch ‘no\h athei chih pơ tăl dơ\ng, hăm dôm hla ar hlôi đei j^ dăh mă tam mă k^ mă lei athei lăng kiơ\ tơ drong Tơ chơ\t 43 vă hru\ ‘mong păng pơ jing an^h oei xa ‘nao, ‘no\h dang ei athei bơ\ jang kiơ\ tơ drong tơ chơ\t 43 dơ\ng, thoi no\h vă sư gơ\h pơm ‘lơ\ng, hơ to\ hơ nơ\ng ăn dôm unh hnam lơ\m 1 tơ drong jang.” 

Ku\m yoa pơ dui đunh truh 5 sơ năm, hơ dro# jên kla vă chưk pơ ‘ngoăih te\h ăn tơ drong jang pơm trong Đông- Tây đ^ to\k vă je# truh 3 ‘măng, đơ\ng 220 ti blu\ng a dang ei đei dôm an^h jang kơ pal tơ\ plt Buôn Ma Thuột hơ len akhan to\k vă je# truh 622 ti. Vă tơ drong jang gơ\h bơ\ jang dơ\ng, Dơ no\ an^h vei lăng kon pơ lei plt oei ap^nh hơ to\k ming kơ so# jên ming man đơ\ng 998 ti truh 1.239 ti. {ok Đinh Xuân Hà, Kơ dră An^h tơ le\ch nơ\r sơ kơ\t, tơ mât jên jang dêh char Dak Lak ăn tơ băt, [ât oei gô jên jang đơ\ng trung ương, An^h âu hlôi roi tơ [ôh ăn Dơ no\ an^h vei lăng kon pơ lei dêh char to\k io\k hơ drol jên mong tơ\ tơ ring vă bơ\ jang ming man trong gre Đông - Tây:

“Nhôn athei to\k io\k hơ drol jên mong tơ\ tơ ring vă hơ to\k hre\nh tơ drong jang ming man. Tơ drong chưk pơ ‘ngoăih te\h ‘no\h dang ei Dơ no\ an^h vei lăng kon pơ lei plt Buôn Ma Thuột oei adrin chih tơ le\ch păng k^ ăn trong vă jang. Kiơ\ đơ\ng no\h, dêh char asong to\k io\k jên dêh char adrol vă bơ\ jang tơ drong ‘nâu, hơ to\k hre\nh tơ drong jang ming man, jăh pơm pơ ke\h trong gre Đông- Tây.”

Jên chưk pơ ‘ngoăih te\h đ^ to\k lơ hlo\h 3 ‘măng bơih

{ok Nguyễn Văn Đoan, Pho\ Kơ dră che\p kơ\l Công ty tơ mât jên jang păng ming man 515, pơm hloi Kơ dră che\p kơ\l tơ drong jang pơm Trong Đông - Tây, ăn tơ băt, tơ drong kăl hlo\h kơ plăh dang ei ‘no\h j^ tơ tom chưk pơ ‘ngoăih te\h păng tơ le\ch jên jang vă ming man ‘lơ\ng, tro\ khei ‘năr hơ găt:

“’Nao âu Khul kơ dră te\h đak ku\m hơ met jên vă tơ le\ch jang. Tơ dăh chưk pơ ‘ngoăih te\h hre\nh păng jên jang truh tơ tom ‘no\h nhôn pơ kăp vă jang kơ ‘năr, jang kơ măng vă jăh jang ke\h tơ drong jang ‘nâu.”

Mơ\ng dôm pang đei [ơm truh tơ roi, [ok Phạm Ngọc Nghị, Kơ dră vei lăng kon pơ lei dêh char Dak Lak ưh kơ lăp đon: Adrol ki ưh jăh chưk pơ ‘ngoăih te\h yoa ưh kơ măh jên. Truh năr đei 225 ti jên ưh kơ măh đei Khul kơ dră te\h đak tơ le\ch ăn bơih, mă 3 khei tam mă tơ le\ch yă 1 hlak ‘no\h j^ tơ drong glăi đơ\ng tơ ‘ngla tơ mât jên jang pơm trong ‘nâu. Dôm tơ drong tơ hlăk, ưh kơ lăp đơ\ng đơ\ng chưk pơ ‘ngoăih te\h truh tơ drong hơ met hơ to\k ming jên jang, Dơ no\ an^h vei lăng kon pơ lei plt Buôn Ma Thuột păng dôm an^h jang kơ pal đei [ơm truh ưh đei tom tơ roi ăn dêh char hơ met pơ ‘lơ\ng.

Tơ mam vă ming man, pơ sei vă brưng, xăng xa.

{ok Phạm Ngọc Nghị pơ ma tơ băt 2 tơ drong tôch g^t kăl kơ plăh dang ei ‘no\h j^ trong hru\ ‘mong jên te\h păng tơ drong hơ to\k ming kơ so# jên tơ mât jang vă tơ drong jang gơ\h tơ le\ch jang hiôk hian:

“Dang ei ako\m jơ hngâm pơm hơ met hla ar kiơ vă gơ\h chưk pơ ‘ngoăih te\h. Dang ei athei chih kơ jă te\h ‘no\h đei hla ar chih bơih, văn phòng athei roi tơ [ôh hloi vă Dơ no\ an^h vei lăng kon pơ lei dêh char jăh sek tơ lang. Mă 2 ‘no\h hơ to\k ming jên jang, tơ drong ‘nâu athei hơ len năng tam mă hơ met ưh. Dang ei plt jang hiơ\ ‘no\h lơ liơ Dơ no\ an^h vei lăng kon pơ lei dêh char gơ\h k^ hơ met ming.”

Trong gre Đông- Tây tôch g^t kăl vă hơ met pơ ‘lơ\ng trong gre lơ\m tơ ring kơ drâm Buôn Ma Thuột, pơm lăp hăm tơ drong ‘me\h vă yak vih vât, vang pơ jing tơ ring kơ drâm ‘nao tơ\ găh Hơ le\ch – Pơ băh kơ plt. Atu\m hăm ‘no\h, io\k yoa ‘lơ\ng hơ găt te\h tơ\ tơ ring đei tơ drong jang, pơ jing cham char ‘lơ\ng ro\ ăn tơ ring kơ drâm, pơih trong vă jang ato\k tơ iung mu\k drăm tơ pôl tơ\ plt. Mă lei, đơ\ng ro\ng 5 sơ năm tơ le\ch jang, tơ drong jang tam mă ke\h yă kiơ, oei jên jang ‘no\h hơ nơ\ng kơ to\k păng tam mă băt truh lai yơ vă gơ\h jang ke\h.

Công Bắc: Chih

Dơ\ng: Tơ blơ\