VOV4.Bahnar - Vă pơ yua ăn ‘meh vă năm vih vơ̆t đơ̆ng kon pơ lei lơ̆m năr Têt Nguyên Đán 2022 vă jê̆ truh, Kŏng ti tơm Trong gre treng Việt Nam hlôi păng tŏk bŏk pơ̆ih tĕch vĕ gre treng Thống Nhất trong Hà Nội – Sài Gòn, trong Đà Nẵng – Sài Gòn. Mă loi ‘noh, đơ̆ng ‘năr 04/01/2022 Anih jang  trong gre treng hơ nơ̆ng pơ̆ih tĕch vĕ gre treng đơ̆ng pơ lei tơm Hồ Chí Minh truh Phan Thiết, Nha Trang, Quy Nhơn, Quảng Ngãi păng hơ lơ̆k dơ̆ng. Rim gre treng âu oei tơ mơ̆t yua trong jang tơ gŭm tơ jur kơ jă vĕ đơ̆ng 10% truh 15%, đei asong đĕch tơ mam lơ̆m gre treng, tơ̆ dôm hơ nih gre dơ̆ng, tơ moi đei hơ met ăn hơ nih răp dăh mă anih gô gre treng hơ drô̆ păng hơ met ăn trong năm hơ drô̆ mưh tŏk, jur đơ̆ng gre treng.... Vă vei sơ đơ̆ng tôch ai ăn tơ moi hao gre treng, anih jang trong gre treng hơ nơ̆ng pơ vei rim trong jang tang găn Covid 19; hơ tŏk loi dơ̆ng tơ drong jang pơm rơ goh cham char, pruih pơ gang, hơ met ăn đak ôp ti; pơm kiơ̆ tơ drong pơ tŏ yuh hơ kâu ăn tơ moi mưh mơ̆t tơ̆ hơ nih tŏk tơ̆ gre treng....

Thuem: Tơ blơ̆