VOV4.Bahnar - Dôm xơnăm kơ âu, jang kiơ\ Tơchơ\t kơ teh đak găh vei lăng hơ ioh, tơ\ dêh char Dak Lak hlôi đei lơ trong jang tơgu\m đe oh yak hloh tơnap tap lơ\m tơdrong erih. Kâu lak [o# “Vei lăng hơ ioh gơnơm lơ\m tơpôl” tơ\ pơlei Kniêt, xăh Ea Ktur, apu\ng Chư\ Kuin, jing minh anih pơtih. Tơdrong jang kơ Kâu lak [o# tơ\ tơring âu ưh kơ adro# tơgop hơto\k hlôh ăn kon pơlei kon kông băt găh xơnong pơyua tro\ [lep ăn hơ ioh, mă oei kơtă tơgu\m lơ hơ ioh tơnap tap pơtoi đei năm ho\k tơ\ hnam trưng.

Đei tơ iung pơjing đơ\ng khei 8-2014, truh dang ei, Kâu lak [o# “Vei lăng hơ ioh gơnơm lơ\m tơpôl” pơlei Kniêt, xăh Ea Ktur (apu\ng Chư\ Kuin) hlôi jing juăt hăm hơ ioh Êđê. Kâu lak [o# âu đei 45 ‘nu vang ako\m, lơ\m 5 ‘nu jing bơngai jang vei hơlen, pơtho 40 ‘nu hơ ioh kơ dôm unh hnam tơnap tap. Rim khei kâu lak [o# ako\m minh ‘măng. ‘Ngoaih kơ noh oei đei ako\m kiơ\ pơkăp hơdăh, nhen năr hơ ioh apu\ng plenh teh 1/6, tết trung thu… Lơ\m ‘măng ako\m, đe oh đei pơtho ăn trong tang găn teh dong lơ\m unh hnam, tang găn đe pơrăm yua tơdrong kư\ kă, tang găn xar bar, atu\m hơlen băt găh xơnong pơyua, tơdrong jang ăn hơ ioh. Atu\m hăm noh, đe oh oei đei pơxuh ngôi hri hơxuang ‘nâu nai... Oh H’Sơ Ron Êban, 14 xơnăm tơroi: Oh xo# xôn đei ako\m lơ\m kâu lak [o# vei lăng hơ ioh. Kâu lak [o# âu tơgu\m lơ boăl đei tơdrong erih ho\k pơhrăm tơnap tap, hơvơn đe boăl hlôi le# ho\k năm ho\k tơ\ hnam trưng dơ\ng. Kâu lak [o# axong ăn kơ inh hla bar ‘long chih ho\k pơhrăm.

 Dôm tơdrong jang đơ\ng kâu lak [o# tơre\k kơtă truh tơdrong erih rim kơ năr hăm kon pơlei tơ\ pơlei Kniêt, dar deh tơgop tơgu\m tơpôl, me\ [ă păng hơ ioh băt hơdăh hloh găh trong pơkăp jang đơ\ng Đảng, teh đak ‘măn ăn hơ ioh; duh nhen xơnong jang kơ unh hnam; xơnong pơyua, xơnong jang đơ\ng hơ ioh. Kâu lak [o# “Vei lăng hơ ioh gơnơm lơ\m tơpôl” oei tơtom tơgu\m lơ hơ ioh đei tơdrong erih tơnap tap. Nhen oh H’La Zem Kbuôr, pơtơm 11 xơnăm le# ho\k năm jang kơ đe hăm tơdrong ‘meh vă tơgu\m me\ [ă. Xơnăm ho\k âu ki, gơnơm đei tơdrong hơvơn đơ\ng kâu lak [o#, oh hlôi năm ho\k dơ\ng păng to\k lăm năm ho\k tơ\ hnam trưng ho\k tro kon kông ho\k oei hadoi kơ apu\ng Chư\ Kuin. {ơ\t ‘măng âu,  H’La Zem đei kâu lak [o# axong ăn minh tong gre jrot vă năm ho\k. ‘Nâu jing tơdrong hơlêm tih tên tơgu\m oh păng unh hnam adrin yak hloh kơ tơdrong tơnap tap: Hơnăn inh noh H’La zem kbuôr. Xơnăm âu inh ho\k lăm 6. Inh xo# hơ\k [ơ\t đei ako\m ho\k pơhrăm lơ tơdrong pơyua tơ\ kâu lak [o#. Inh bơnê kơ thây kô păng tôm ‘nho\ng pơmai, bôl boăl hlôi tơgu\m inh ling lang.

Đơ\ng ro\ng 2 xơnăm tơ iung pơjing. Kâu lak [o# “Vei ;ăng hơ ioh gơnơm lơ\m tơpôl” pơlei Kniêt hơvơn đei 16 ‘nu hơ ioh le# ho\k năm ho\k hơlơ\k dơ\ng. Tơdrong mă ho\k tro le# ho\k tơ\ tơring adoi tơjur mơ\n. Hơ ioh đei tơpôl tơre\k tơgu\m lơ hloh. Kiơ\ kơ tơdrong hơlen găh hơ ioh lơ\m pơlei pơla, kâu lak [o# hlôi [ôh băt păng hơvơn unh hnam năm bơ\ hla bar khai sinh ăn hơ ioh; pơkăljơnu\m pơgơ\r tơring axong ăn theh bảo hiểm y tế ăn 34 ‘nu hơ ioh tơ\ hơla 6 xơnăm… Kâu lak [o# oei hơvơn tơgop hloh 2 triu hlak jên tơgu\m ăn 5 ‘nu oh đei tơdrong erih tơnap tap; axong ăn 2 tong gre jrot păng hơbe\n ao, hla bar ho\k pơhrăm ăn đe oh. Pơmai Amí Hoa, ppơgơ\r kâu lak [o# ăn tơbăt: Inh hiôk kơ jơhngơ\m [ơ\t chă pơtho lơ\m kâu lak [o#. Đei lơ trogn vă tơgu\m hơ ioh ho\k pơhrăm lơ\m kâu lak [o# nhen ako\m joh hri, pơma dơnuh hăm hơ ioh tơ\ pơlei pơla nai. Pơtho ăn hơ ioh băt xơnong pơyua, xơnong jang hăm hơ ioh. Ăh chă hơlen noh băt đei 15 oh tam mă đei hla bar khai sinh. Inh hơvơn me\ [ă păng ‘nhăk me\ [ă đe oh năm bơ\ hla bar khai sinh hloh khei năr ăn đe oh tơ\ anih jang xăh.  

 {ok Lương Viết Gia – Pho\ kơdră anih vei lăng kon pơlei xăh Ea Ktur xơkơ\t hăm Kâu lak [o# “Vei lăng hơ ioh gơnơm lơ\m tơpôl” hlôi pơjing tơdrong hơto\ hơnơ\ng păng trong hiôk ato\k tơ iung ăn hơ ioh găh hơkâu jăn păng đon bơnôh hloi. Unh hnam đe oh adoi hơ iă hăm tơdrong tơgu\m đơ\ng tơpôl, đơ\ng noh đe ye\t jangtơnăp hloh lơ\m tơdrong jang atu\m vei lăng đe hơ ioh: Hăm tơdrong jang kâu lak [o# vei lăng hơ ioh gơnơm lơ\m tơpôl kiơ\ xơkơ\t rim xơnăm, rim jăl jang, rim khei noh [ôh pơyua tơpă. Pơjing cham pơhiơ\ ăn hơ ioh. Đơ\ng kâu lak [o#. đe oh băt xơnong pơyua kơ po. Tơje# hăm noh jang atu\m vă pơtho găh ch^nh tr^, đon bơnôh erih xa, đei yua tơdrong pơkăp tơgu\m đơ\ng tơpôl hăm hơ ioh.

Jăh vă akhan, kâu lak [o# “Vei lăng hơ ioh gơnơm lơ\m tơpôl” tơ\ pơlei Kniêt, xăh Ea Ktur, apu\ng Chư\ Kuin, dêh char Dak Lak, hlôi tơpă đei jơnei, tơgop hơto\k hlôh vao ăn kon pơlei lơ\m tơdrongvei lăng hơ ioh, mă kăl noh pơjing cham pơhiơ\ ‘lơ\ng hơ iă ăn hơ ioh tơ\ tơring tơnap tap, tơring kon pơlei kon kông.

Lan chih păng rapor