Pơlei hơiŏh SOS Đà Lạt dang ei oei rong 'me, vei lăng 46 'nu hơiŏh pơti, hơiŏh đei đe hŭt lê̆, hơiŏh đei tơdrong arih xa mơmat tat dêh hlŏh đơ̆ng 5 truh 18 sơnăm. Tang măt ăn kơdră chĕp kơ̆l Đảng, Teh đak păng Khŭl tang măt Quốc hội dêh char Lâm Đồng, Kơdră Anih tơm sek tơlang kon pơlei Nguyễn Văn Quảng thơ thou Têt Trung thu, hơpăh tơmam ăn kơ đe kon mon tơ̆ pơlei hơioh ưh pŭn ai, hơpơi 'meh đe kon mon sơng Têt Trung thu chơt hơiă, ‘nă hal păng jing jơhngơ̆m hưch hanh vă đe kon mon yak mơ̆t lơ̆m sơnăm hŏk 'nao 2026- 2027 hăm lơ tơdrong jơnei 'nao.