Bơ̆ jang Tơdrong jang 500 măng năr hơtŏk tơdrong sir chă, kôch iŏk păng chih hơdăh hơnăn linh lôch tang ăn teh đak, xăh Đăk Tờ Kan, dêh char Quảng Ngãi pơgơ̆r năm chă tơ̆ 6 anih đei jâu đei linh lôch tang ăn teh đak păng chă ƀôh, kôch iŏk 1 kơ̆l linh ‘nŏh jĭ linh lôch tang ăn teh đak A Ngõa.

Linh lôch tang ăn teh đak A Ngõa, pơlei Tê Xô Trong, xăh Đăk Tờ Kan, apŭng Tu Mrông, dêh char Kon Tum so (dang ei 'noh plei Tea Kan, xăh Đăk Tờ Kan, dêh char Quảng Ngãi) 'noh jĭ bơngai pơm du kích. Lơ̆m khei 'năr bơ̆ jang, ƀok A Ngõa đei bơngai kơnê̆ kiơ̆ khul Fulro prăh; ƀok lôch lơ̆m 'năr 30/10/1980, hlôi đei Teh đak chih tơbăt jĭ linh lôch tang ăn teh đak. Anĭh vei lăng kon pơlei xăh Đăk Tờ Kan athei dôm anĭh jang kơpal vang jang hơdoi hăm xăh Tu Mrông pơgơ̆r chơ ba kơting linh lôch tang ăn teh đak A Ngõa, ƀŭ hơmet tơ̆ Pơsat linh xăh Tu Mrông kiơ̆ tơdrong hơpơi 'mĕh đơ̆ng ŭnh hnam.