Phŏ Kơdră Quốc hội Đỗ Văn Chiến lăng ‘lơ̆ng tơdrong bơngơ̆t truh đơ̆ng dêh char Nghệ An hăm tơdrong jang vei lăng năng tông păng pơtho pơhrăm đe hơ ioh, mă ‘noh jĭ đe hơ ioh đei tơdrong hơrih sa mơmat tat. Jơ̆p lơ̆m dêh char dang ei đei vă jê̆ 8.000 'nu hơ ioh đei tơdrong hơrih sa mơmat tat đei bơngơ̆t truh, tơgŭm hăm lơ trong.

Dôm trong jang vei lăng, rong 'me păng tơgŭm hơioh roi 'năr roi lơ, lăp hăm rim tơdrong hơdăh. Phŏ Kơdră Quốc hội Đỗ Văn Chiến 'meh vă đe oh ling lang hơdrin hŏk pơhrăm, oei sa 'lơ̆ng, pôm ƀơ̆r đon, jang kiơ̆ 'lơ̆ng 5 tơdrong ƀok Hồ pơtho; ưh kơ dơ̆ mơlâu găh tơdrong hơrih sa mă kăl đei jơhngơ̆m đon lui, hơdrin păng hơpơi tơ̆ hơnăp kơnh.