Jơ̆p dêh char Gia Lai dang ei đei 424 tong duk kơjung hloh 6 mét tŏk tơ̆ kơpal mă ưh đei tôm pơkăp gơh pơm jang dah mă pă đei vă jang ka, gô đei xa yua kiơ̆ tơchơ̆t tơgŭm đơ̆ng Hô̆i đŏng kon pơlei dêh char. Tơring gô tơgŭm kon pơlei jang ka đơ̆ng 50% truh 80% kơjă pơm duk 'nao, atŭm hăm 70% kơjă kơmăi hlôi iŏk yua.

Atŭm hăm noh, kon pơlei jang ka păng rim bơngai lơ̆m unh hnam pơtoi jang ka oei đei tơgŭm tŏ sĕt kon jên vă hŏk tơdrong jang păng asong jên tŏk iŏk vă pơtơm tơdrong jang. Lơ̆m khei 4/2026, dêh char Gia Lai hlôi asong hloh 212 tih ăn 16 xah, phương tơjih đak dơsĭ. Lơ̆m noh, hloh 206 tih hlj 'măn ăn tơdrong pơih lê̆ duk ka păng hloh 5,5 tih hlj vă tơgŭm pơtho tơdrong jang. Tơchơ̆t tơgŭm ou tŏk bŏk đei kon pơlei jang ka tơ̆ dêh char Gia Lai lăp đon.