VOV4.Bahnar - Giĕng âu ki, Kơdră Kuô̆k hô̆i Vương Đình Huệ pơgơ̆r jơ bơ̆ jang đơ̆ng Kơdră chĕp kơ̆l Kuô̆k hô̆i hăm dôm anih jang găh Anih chĕp kơ̆l pơgơ̆r Kuô̆k hô̆i păng Anih pơvih ăn Kuô̆k hô̆i vă hơlen năng dôm tơdrong jang đei lơ̆m khei 1; tơlĕch dôm tơdrong jang tơm lơ̆m khei 2 kŭm nhen lơ̆m sơnăm 2023 đơ̆ng Kuô̆k hô̆i.

VOV4.Bahnar - Hơtŏk tơdrong jang xa ăn unh hnam jang chŭn mir, mă loi jĭ drŏkăn bơngai kon kông tơ̆ dêh char Dak Lak kiơ̆ đơ̆ng tơlĕch trong jang hơdoi kon pơlei hăm anih jang sa.

VOV4.Bahnar - Đak Lăk jang ‘lơ̆ng krao hơvơn mơ̆t pơm ƀô̆ đô̆i sơnăm 2023, hơmet pơ ‘lơ̆ng ăn năr pơm lêh krao mơ̆t pơm ƀô̆ đô̆i kŏng ang. Bơngai chih kơtơ̆ng ang ăn Radiô NPMVN apĭnh jet Đại tá Lê Văn Hùng, Kơ iĕng Kơdră chĕp pơgơ̆r Dơnŏ anih Ƀô̆ đô̆i dêh char Đak Lăk găh dôm trong ‘nao lơ̆m bơ̆ jang krao tơmơ̆t pơm ƀô̆ đô̆i lơ̆m tơring.

VOV4.Bahnar - Khul kơdră chĕp pơgơ̆r Hơnih bơ̆ jang Trung ương Mặt trận Tổ quốc (MTTQ) Việt Nam ‘nao pơjing tơlĕch trong pơprŏ jang kơsô̆ 676 găh pơgơ̆r iŏk nơ̆r tơgop đơ̆ng kon pơlei găh trong vă pơjing Khôi luơ̆t Groi teh (hơmet ming).

VOV4.Bahnar – 'Măng hop akŏm rim xơnăm kơ Jơnŭm Mong jên tơgŭm Đe Hơ-ioh kơ Liên hơp kuôk (UNICEF) pơgơ̆r đơ̆ng năr 7-10/2, tơ̆ Anih jang kơ Liên hơp kuôk tơ̆ New York.

VOV4.Bahnar - Ƀlep ƀât blŭng sơnăm ‘nao păng tơbăt 93 sơnăm Năr pơjing Đảng Cộng sản Việt Nam tôch gơ̆h hơgei, giĕng âu ki, tơ̆ plei Trường Sơn, xăh Chân Sơn, apŭng Yên Sơn, dêh char Tuyên Quang, Kơdră Kuô̆k hô̆i Vương Đình Huệ truh pơm lêh tơlĕch tơdrong pơjei băl păng “Têt pơtăm ‘long rim jơhnơr ƀlŏk hơdơ̆r kơ Ƀok Hô” pơyan Puih mak Quý Mão 2023.

VOV4. Bahnar - Hơnih bơ̆ jang ăn Kơdră chep pơgơ̆r Teh đak pơgơ̆r hop akŏm tơbăt ăn khul chih kơtơ̆ng ang găh Nơ̆r tơchơ̆t đơ̆ng Kơdră chĕp pơgơ̆r Teh đak dang ei tơbăt hơdăh Khôi luơ̆t Khăm, ming hơmet jĭ ‘nao đei Kuô̆k hô̆i jăl XV, ‘Măng hop akŏm mă 2 pơdrơ̆ng kiơ̆ păng tơlĕch jang kiơ̆ đơ̆ng năr 1/1/2024.

VOV4.Bahnar - Âu ki, Khŭl Ƀô̆ đô̆i so Việt Nam hlôi pơgơ̆r Hop akŏm bơngai tang măt lơ̆m teh đak ‘măng mă VII (2022-2027). Tơ̆ au, lơ bơngai tang măt hơmŏ, Khul kơdră chĕp pơgơ̆r jăl ‘nao gô đei lơ tơdrong tơplih, chông ba Khul ƀô̆ đô̆i so lơ̆m teh đak jang keh đang trong tơlĕch jang, mă kăl ‘nŏh tơgŭm rim bơngai ƀô̆ đô̆i so atŏk tơ iung mŭk drăm.

VOV4.Bahnar – Anih mong jên Tơgŭm Tơpôl dêh char Lâm Đồng jang atŭm hăm rim anih jang chĭn trĭ - tơpôl lơ̆m tơring pơgơ̆r Giĕng pơkom atŭm jơhngơ̆m kơyuơ bơngai hin dơnuh xơnăm 2023.

VOV4.Bahnar - Hăm tơdrong jang tơm, ưh kơ lê̆ bu đei hơchăng hŭt tơ̆ rŏng, khei ‘năr âu ki, rim kơdră đảng, kơdră tơring lơ̆m dêh char Gia Lai hlôi tơlĕch hrơ̆ch 1 ‘măng tơdrong jang tơm teh đak tơjur dơnuh hin kơjăp. Tơdrong jang tơgŭm rơbâu ŭnh hnam kon kông klăih đơ̆ng dơnuh pơnam jang sa, yak tŏk pơjing tơdrong arih sa roi ‘năr roi ‘lơ̆ng hloh.