VOV4.Bahnar - Năr ‘nâu, 27/10, Kuôk hô̆i pơ ma dơ nuh trực tuyến găh hla ar tơ chơ̆t găh 1,2 trong jang tơ gŭm hơ drô̆ hơ tŏk tơ iung kơ 4 tơ ring, ‘noh pơ lei tơm Hải Phòng, dêh char Nghệ An, Thanh Hóa păng Thừa Thiên- Huế. Tơ̆ ‘ngoăih Quốc hội, mĭnh ƀar ‘nu bơ ngai tang măt akhan, tơ lĕch jang trong jang tơ gŭm hơ drô̆ vă pơ trŭt hơ tŏk tơ iung mŭk drăm tơ ring ‘noh lăp, mă lei athei vei đei “ teh bri, teh ƀa”. 1,2 ‘nu bơ ngai tang măt pơ ma hơ dăh, tơ drong ưh kơ vei lăng đei bri hlôi pơm ăn hiong răm kơ tang, ƀơm kơ nê̆ truh hơ tŏk tơ iung kơ jăp, mă loi ‘noh jĭ lơ̆m khei ‘năr tơ roi tơ băt găh cham char nhen hrei ‘nâu. Yua thoi noh, trong jang tơ gŭm hơ drô̆ găh vei lăng teh păng tơ plih iŏk yua teh, mă loi ‘noh teh bri, tơ gop pơm ƀônh hla ar hanh chĭnh, pơm tơ drong hiôk ăn rim tơ ring mưh kăl athei tơ plih iŏk yua teh. Mă lei tơ drong tơ plih athei vei sơ đơ̆ng mă lăp păng hơ nhăk ăn đei yua ‘lơ̆ng, mă loi ‘noh jĭ vei lăng cham char păng hơ tŏk tơ iung kơ jăp.

Thuem: Tơ blơ̆