{ai 4: Trong jang tơ jră tang găn phang pơđang ăn 2 tr^u hektar ‘long pơtăm tơ\ Tây Nguyên
VOV4.Bahnar - Hăm 2 tr^u hektar te\h cho\h jang sa, tơmơ\t 75% hơgăt te\h go#h Bazan lơ\m te\h đak, Tây Nguyên đei lăng jing tơring đei lơ tơdrong ‘lơ\ng hơ iă vă đei jing tơring cho\h jang sa ako\m m^nh [ôt, pơjing đei tơmam drăm ‘lơ\ng te\ch măt, ke\ pơjei hăm te\h đak đe. Mă lei, hơdrol vă tơche\ng tru\h tơdrong kơ jă măt, tru\h tơdrong ke\ pơjei hăm te\h đak đe, lei Dơno\ an^h vei lăng Cho\h jang sa tơ\ au kăl tơblang hơdăh trong jang ăn tang găn phang pơđang, hăm tơpl^h to\ ‘mi kial. Tơdăh ư\h kơ ke\ tơblang hơdăh trong jang au lei an^h vei lăng cho\h jang sa oei hơnơ\ng tơ [ơ\p tơdrong tơsu\l tơsawl ư\h sơđơ\ng đe\ch.
Tơruih đak pơkom tơ\ Tây Nguyên to\k bo\k lang sa hăm hơgăt te\h jang sa dàng 80.000ha
To\k bo\k pơyan phang pơđang, lơ\m mă lơ u\nh hnam gle\h hrat hăm tang găn phang pơđang, lơ mir pơgar chehphe to\k bo\k jô kro kơ yuơ ư\h kơ măh đak, ‘no\h mir pơgar chehphe 2 hektar kơ u\nh hnam [ok Nguyễn Ngọc Bích, oei tơ\ pơlei Kep, tơring Ia Mơ Nông, apu\ng Chư Păh, dêh char Gia Lai oei jing ‘lơ\ng [l^k [la\k đe\ch. Kơt^t kmăi tơruih đak kơ d^h tơ\ tơm chehphe, [ok Bích chă hơvơn tơmoi nhă đak che păng pơma dơnu\h. {ok tơbăt, kmăi tơruih đak kơd^h đei [ok tơmơ\t jên jang đơ\ng sơnăm 2019. Lơ\m khei ‘năr đak roi năr roi kơ [a\h kơ [ôch, tơdrong jang kiơ\ kma\i kmo\k lơ\m cho\h jang sa đei io\k yua kơ jăp hlo\h mư\h pơkom lơ kon jên tơmơ\t jang: “Tơdăh ^nh tơruih hăm [ek păng tơruih jro kơ tă tơ\ sơlu\ng lei m^nh khei tơruih m^nh ‘măng đe\ch. Mă lei tơruih lơ lau ‘no\h lăp dang 20 năr mư\h [o#h dơnơm ‘long đ^ rơhap kơ đak ‘no\h bơ\n chă kơt^t kmăi tơruih dang 1-2 jơ lei ke\ do\ng ăn chehphe bơih. Roi năr đak roi kơ [a\h kơ [ôch. Păng chă tơruih đei pơkom đak lơ lau jei đei io\k yua kơ jăp hlo\h.”
Hơmet ming, vei lăng păng ato\k tơ iung bri kơ jăp ‘lơ\ng ‘no\h trong jang kăl vă Tây Nguyên iung tang găn tơpl^h to\ ‘mi kial, phang pơđang
Jang kiơ\ kmăi kmo\k tơruih đak pơkom đei lăng jing trong jang io\k yua kơ jăp hlo\h lơ\m cho\h jang sa tơ\ Tây Nguyên tơ jră hăm phang pơđang. Trong jang au to\k bo\k đei tơle\ch jang kiơ\ kơtang, mă kăl đơ\ng ro\ng Khu\l kơdră che\p pơgơ\r te\h đak tơchơ\t tơgu\m djru vă pơm dă [iơ\ tơdrong hiong răm lơ\m cho\h jang sa. Kiơ\ kơ ‘no\h, kon pơlei, an^h mơdro sa mư\h tơmơ\t jên răt kmăi kmo\k tơruih pơkom đak đei ăn asong tơgu\m djru ăn to\k io\k kon jên tơmơ\t jang lơ vă răt kmăi kmo\k păng ư\h kơ ăn jên che\h lơ\m 2 sơnăm blu\ng, 50% kon jên che\h lơ\m sơnăm mă 3. Gơnơm trong jang tơgu\m djru, hơgăt te\h jang kiơ\ kmăi kmo\k tơruih pơkom đak kơ tơring Tây Nguyên đei lang să păng hrei au hlôi đei tru\h 80.000 hektar. {ok Đoàn Ngọc Có, Kơ ie\ng Kơdră che\p pơgơ\r Dơno\ an^h vei lăng Cho\h jang sa păng Ato\k tơ iung tơring tơrang dêh char Gia Lai tơbăt, gơnơm jang kiơ\ ‘lơ\ng tơdrong jang tơgu\m djru, hơgăt te\h tơruih pơkom đak lơ\m tơring hlôi să hlo\h trong pơkăp vă jang: “Trong tơle\ch vă jang tru\h sơnăm 2020 ‘no\h 22.000 hektar mă lei tru\h dang ei hlôi đei tru\h 25.500 hektar. Jang kiơ\ tơruih gơ\h hơgei, pơkom đak ‘no\h kon pơlei sơng io\k đei tơdrong tơgu\m djru kiơ\ Tơchơ\t 68 sơnăm 2013 đơ\ng Khu\l kơdră che\p pơgơ\r Te\h đak găh pơm tơ jur hiong răm cho\h jang sa. Trong jang tơgu\m djru au tôch kơ ‘lơ\ng, ư\h khan lăp jang kiơ\ tơruih pơkom đak mă lei oei tơgu\m ăn răt kmăi kmo\k, tơmam drăm gre cho\h jang sa dơ\ng. Hrei au trong jang au to\k bo\k đei iung jang kiơ\ tôch kơ ‘lơ\ng.”
Atu\m hăm jang kiơ\ kmăi kmo\k lơ\m cho\h jang sa, m^nh lơ\m dôm trong jang kăl hlo\h kơ cho\h jang sa tơ\ Tây Nguyên hrei au ‘no\h dăr lăng, pơ pro\, hơmet ming ‘long pơtăm. Kơ ie\ng Kơdră che\p pơgơ\r Dơno\ an^h tơm vei lăng Cho\h jang sa păng Ato\k tơ iung tơring tơrang Lê Quốc Doanh akhan, tơdrong ato\k tơ iung kơtang ‘long pơtăm hlôi pơm ăn lơ kơ loăi ‘long pơtăm să hlo\h trong pơkăp ăn jang, lơ tơring ư\h măh đak tơruih. Dơno\ an^h tơm pơtru\t rim dêh char păng Dơno\ an^h tơm jei pơjing trong vă jang chă tơche\ng hơlen vă tơgu\m ăn rim tơring tơpl^h ‘long pơtăm mă [lep hăm tơpl^h to\ ‘mi kial, to\ phang pơđang: “Tơdrong vei lăng, io\k yua đak ‘no\h hơgăt te\h ‘long pơtăm, ‘long kăp g^t tơ\ Tây Nguyên tôch g^t kăl mă lei dơnau mong đak ư\h kơ măh đak chă pơro tơruih ăn ‘long pơtăm. Dang ei mă kăl chă dăr lăng hơlen, tơ\ yơ ư\h kơ măh đak ‘no\h ăn tơpl^h chă pơtăm ‘long anai hloi. Rim dêh char dăh dăr lăng hơgăt te\h chă pơtăm tơpl^h hơdre\ch ‘long pơtăm anai. Mă kăl đơ\ng sơnăm 2020, Dơno\ an^h tơm hlôi pơjing trong vă jang pơtru\t cho\h jang sa Trung ương, joăt jang tơgu\m ăn rim dêh char chă tơpl^h ‘long pơtăm hle. Jang mă hơdăh, vă đ^ đăng hơmet ming dơ\ng, lăng ‘nau j^ m^nh trong jang kăl, kơna kăl hơlen mă hơdăh, mă [lep”.
Dăr lăng, pơ pro\ thong đak ‘no\h trong tang găn phang pơđang tơ\ Tây Nguyên
Hơdoi hăm tơpl^h ‘long pơtăm, tơdrong hơmet ming, ato\k tơ iung bri ‘long jing trong jang kăl hlo\h vă Tây Nguyên ke\ tang găn hăm tơpl^h to\ ‘mi kial. Trong tơle\ch jang tru\h sơnăm 2030 hơgăt te\h bri Tây Nguyên đei 2 tr^u 720.000 hektar, hơto\k ‘long hơyơ\l ăn 49,2% hơgăt te\h. Bơ\ jang hăm Tây Nguyên, Kơdră bơ\ jang lơ\m Dơno\ an^h tơm Ch^nh tr^, Thường trực Ban Bí thư Trần Quốc Vượng pơkă, rim dêh char Tây Nguyên kăl lăng kơ jăp tru\h tơdrong vei lăng năng tông, ato\k tơ iung bri. Hơto\k yơ\p ‘long hơyơ\l tơ\ Tây Nguyên kơtang gô tơgop ăn vei lăng năng tông ‘lơ\ng cham char bri brăh păng đak ăn rim tơring pơma hơdro# păng te\h đak pơma atu\m: “Kăl lăng kơ jăp tru\h pơtăm ‘long bri păng vei lăng bri. Dang ei bri vă pơ yua ăn đei io\k yua kơ jăp ‘no\h tim mă tơche\ng tru\h kơ yuơ bơ\n tim mă đei rơvơn, chă pơtăm bri j^ vă kơ vei lăng cham char bri brăh ‘lơ\ng hơ iă. Bơ\n jang ư\h khan lăp jang ăn kơ d^h bơ\n mă lei oei ăn pơ đ^ lơ\m te\h đak bơ\n. Tơ\ au đei bri ‘long lơ ‘no\h tơring To\k bo\k gô dă [iơ\ đei đak hơbông hlo\h dơ\ng. Păng mư\h bri ‘long tơ\ au sơđơ\ng jei gô pơm ‘lơ\ng hơ iă ăn tru\h tơring Tơmăn đak kroong Cửu Long, tơ\ au gô đei đak lơ hlo\h dơ\ng. Kơna athei bơ\n kăl lăng ba mă kơ jăp tơdrong au, lăng ‘nau jing tơdrong jang kăl hlo\h, kăl pơro# pơ rôp mă kơtang vang chă pơtăm bri ‘long.”
M^nh tơdrong kăl hlo\h dơ\ng kơ Tây Nguyên lơ\m khei năr au vă tang găn phang pơđang ‘no\h dăr lăng, hơlen lăng mă hơdăh, pơ pro\ ming dơ\ng rim pơnơ\t đak, dơnau mong đak. Hăm 2 tr^u hektar mă lei lăp 15% hơgăt te\h đei măh đak chă tơruih pơro ăn, pơnơ\t đak Tây Nguyên đei hơlen ư\h kơ ‘lơ\ng. Thủ tướng Te\h đak Nguyễn Xuân Phúc pơro# hơdăh hăm rim an^h tơm, an^h bơ\ jang, tơring tơrang đei trong jang dăr lăng, pơpro\ pơ ‘lơ\ng găh thoong đak vă Tây Nguyên ke\ tang găn hăm tơpl^h to\ ‘mi kial, phang pơđang: “Găh đunh đai tai sơnăm, kăl dăr lăng pơ pro\ jang, ato\k tơ iung thoong đak kơ Tây Nguyên. Pơjao ăn Dơno\ an^h tơm vei lăng Mu\k drăm bri brăh Cham char hơlen mă bre\, tơle\ch jang te\nh koăng hlo\h dơ\ng. Tơdăh hơnơ\ng phang pơđang đunh đai lei ư\h kơ jor đei hloi te\h phui phang tơnang ko\ tơ\ tơring au. Kăl chă tơche\ng vă hơmet pơ ‘lơ\ng tơpl^h to\ ‘mi kial vă bơ\n gơ\h er^h sa hơdoi hăm hăp vă ato\k tơ iung ư\h khan ku\p kơ\l yơ\r ti. Kơna, kăl chă tơche\ng mă bre\ găh thoong đak Tây Nguyên vă tơle\ch đei trong hơmet pơ ‘lơ\ng tơnap tap. Tơdrong mă [ar ‘no\h m^nh [ar trong jang pơnơ\t đak tơ\ tơring au g^t kăl lơ liơ. Tơ iung pơjing ming man kăl kơ jăp, đei io\k yua ‘lơ\ng hơ iă ăn đunh đai tai sơnăm.”
Tây Nguyên hlôi păng to\k bo\k jing tơring cho\h jang sa ako\m g^t kăl kơ te\h đak. Mă lei, cho\h jang sa to\k bo\k tơ [ơ\p tôch lơ tơdrong long đơ\ng ư\h sơđơ\ng te\ch mơdro tru\h tơdrong tơpl^h to\ ‘mi kial. Đei jing rang rar ‘no\h jing tơdrong hơmơt đei tơpă tơdăh chă cho\h jang sa gô mơ\ng kơd^h kơ d^h nhen khei năr au ki. Rim trong jang, kih thuơ\t cho\h jang sa, tơpl^h ‘long pơtăm, d^ng tru\h trong jang pơnơ\t đak păng tăih dơ\ng ‘no\h găh cham char ‘lơ\ng ro\ hăm trong hơmet ming pơ ‘lơ\ng bri hlôi đei tơle\ch ăn vă Tây Nguyên tơ jră tang găn to\ ‘mi kial, phang pơđang. Mă lei vă iung jang hrơ\p m^nh ‘măng păng io\k đei jơnei, atu\m hăm rim trong jang tơgu\m djru đơ\ng Trung ương, kăl đei kơru\n đ^ jơhngơ\m, hơdrin hlo\h dơ\ng kơ rim tơring, rim an^h mơdro sa, kon pơlei. Đơ\ng no\h, 2 tr^u hektar cho\h jang sa tơ\ tơring ‘nao ro\ năng gơ\h iung jang đei io\k yua kơ jăp.
Bơngai ch^h: Công Bắc
Tơblơ\ nơ\r: Amazưt
Viết bình luận