VOV4.Bahnar - Năr 27/10 tơ̆ Hà Nội, Dơnŏ anĭh tơm vei lăng Chŏh jang sa păng Atŏk tơ iung tơring tơrang pơgơ̆r hop akŏm trư̆k tuyên lơ̆m tĕh đak tơgop nơ̆r lơ̆m trong vă pơjing Tơdrong vă jang vei lăng păng rôp ka hơdang jăl jang 2021-2030, lăng trŭh sơnăm 2050. Ka hơdang ‘nŏh tơdrong jang tơm, gĭt kăl hlŏh lơ̆m atŏk tơ iung mŭk drăm tĕh đak, hăm roi năr roi lang să, atŏk kơtang, pơjing đei iŏk yua kơ jăp. Trong tơlĕch atŭm kơ Trong vă jang vei lăng păng rôp ka hơdang jăl jang 2021-2030, lăng trŭh sơnăm 2050 lăng trŭh tơdrong sơđơ̆ng dăng rôp, tơklep hăm vei lăng, atŏk tơ iung ka hơdang, atŏk kơtang tơdrong jang rong rôp ka hơdang kơ jăp ‘lơ̆ng păng hơnăp jang ‘lơ̆ng; vei lăng cham char, sơđơ̆ng lăp hăm tơplĭh tŏ ‘mi kial, trŏ lăp hăm tơdrong ‘mĕh vă mơ̆t hơdoi lơ̆m apŭng plĕnh tĕh; vei lăng sơđơ̆ng tĕh đak tơ̆ tơring đak dơsĭ, achon dơsĭ găh lơ̆m tơdrong pơm tơngla, pơm tơm kơ Tĕh đak Việt Nam.

Tơblơ̆ nơ̆r: Amazưt