VOV4.Bahnar - Lơ̆m ‘măng pơ ma nuh hăm điên thoăi ‘nao âu đơ̆ng Kơ dră tơm vei lăng jang kơ măy, tĕch mơ dro Nguyễn Hồng Diên hăm Kơ dră tơm vei lăng tĕch mơ dro Trung Quốc Vương Văn Đào, ƀok Kơ dră Nguyễn Hồng Diên athei Trung Quốc pơ jing tơ drong ‘lơ̆ng pơih ‘măng ăn dôm tơ mam đơ̆ng choh jang xa, ka hơ dang Việt Nam gơ̆h tĕch tơ̆ Trung Quốc kiơ̆ đơ̆ng dôm ‘măng jang sơ lam Việt - Trung, mă loi jĭ dôm tơ mam truh pơ yan phĕ tĕch nhen plei vải, jrang, pơ ŏ,...

Kơ dră tơm vei lăng tĕch mơ dro Trung Quốc Vương Văn Đào ăn tơ băt, găh Trung Quốc oei ‘mĕh chă răt iŏk lơ tơ mam đơ̆ng choh jang xa, ka hơ dang ‘lơ̆ng đơ̆ng Việt Nam. Trung Quốc hlôi pơ jing 10 anih mong akŏm plei ‘long, 4 anih mong akŏm tơ mam xa tơ̆ dôm ‘măng jang sơ lam găh Trung Quốc vă tơ gŭm răt iŏk tơ mam đơ̆mng choh jang xa lơ̆m khei ‘năr mât lơ̆m pơ yan phĕ tĕch kơ Việt Nam.

Dơ̆ng: Tơ blơ̆