VOV4.Bahnar - Tơ̆ ‘măng hop akŏm Anih bơ̆ jang chĕp kơ̆l Anih pơ gơ̆r jang teh đak găh tang găn ‘mi kial pơ răm găh tơ jră ‘mi kial hơ bŭt pơ gơ̆r pơ gê ‘năr 7/10 tơ̆ Hà Nội, ƀok Trần Quang Hoài, Phŏ kơ dră Anih pơ gơ̆r jang teh đak găh tang găn ‘mi kial pơ răm tơ roi rơ đăh, rim tơ ring kăl kơ tơ lĕch jang hơ dăh ăn tơ drong tơ klăh kon pơ lei, vei sơ đơ̆ng tang găn ‘mi kial pơ răm păng tang găn jĭ Covid 19 hai. Kiơ̆ kơ ‘noh, rim tơ ring kăl tơ tĕnh krao hơ vơn duk, thŏng nan lĕch đơ̆ng tơ ring krê hơ mơt đơ̆ng ‘mi kial hơ bŭt gô jăng; kiơ̆ hơ len lăng tơ plih ‘mi kial păng hơ met tôm rim trong jang hơ met ‘lơ̆ng mưh đei ƀôh tơ drong. Lơ̆m trong jang tơ klăh kon pơ lei, rim tơ ring kăl kơ lăng kăl tơ klăh kơ tă anih. ‘Măng ‘mi tih âu rŏ lăng đei ƀôh ưh kơ gơ̆h chă yak vih vơ̆t yua đơ̆ng đak lơ̆p, kơ lih thoi noh athei vei sơ đơ̆ng phe sŏng, tơ mam sa, đak nhă ăn kon pơ lei, veh ver tơ drong mưh đei ƀôh mi kial pơ răm kon pơ lei huŏng lơ̆m tơ drong ưh kơ măh phe sa.

Thuem: Tơ blơ̆