VOV4.Bahnar - Pơgê năr 9/7, 580.000 kơ liêu vaccine Covid-19 kơ AstraZeneca kiơ̆ kĭ pơkăp răt iŏk đơ̆ng Khŭl jang ƀet bơ̆ng VNVC hlôi jur tơ̆ cham gre păr apŭng plĕnh tĕh Tân Sơn Nhất.  

Hơlen lăng vaccine AstraZeneca

Hăm 580.00 kơ liêu vaccine kơ VNVC ‘nŏh ‘măng pơjao pơgang mă pêng lơ̆m kĭ pơkăp răt iŏk 30 trĭu kơ liêu mă Công ty Cổ phần Vaccine Việt Nam (VNVC) apĭnh răt iŏk hơdrol kơ AstraZeneca, đơ̆ng rŏng ‘nŏh pơjao ăn Dơnŏ anĭh tơm vei lăng jang pơgang răt iŏk, vă tơtom ƀet bơ̆ng ăn kon pơlei, mă kăl ‘nŏh rim tơring đei jĭ hrei au. ‘Ngoăih kơ ‘nŏh, VNVC jei pơkăp yak hơdoi hăm sơng iŏk vaccine đơ̆ng hnam kmăi pơm tơlĕch AstraZeneca dĭng trŭh khei ‘năr pơjao tơplĭh răt iŏk. Jei lơ̆m pơgê năr 9/7, 400.000 kơ liêu vaccine đơ̆ng Nhật Bản tơgŭm hlôi vih trŭh tơ cham gre păr Tân Sơn Nhất. ‘Nau kơsô̆ vaccine lơ̆m găh 2 trĭu kơ liêu mă Nhật Bản tơgŭm djru ăn kon pơlei Việt Nam. 

Tơblơ̆ nơ̆r: Amazưt