VOV4.Bahnar - Anih kanh sat vei lăng trong nơ năm ăn tơ băt, lơ̆m 4 năr pơ dơ̆h lêh (2/9) khul linh kanh sat vei lăng trong nơ năm lơ̆m tĕh đak sek tơ lang vă jê̆ 11 ‘nu bơ ngai pơm glăi luơ̆t vei sơ đơ̆ng tơ̆ trong nơ năm. Lơ̆m nŏh đei 244 ‘nu bơ ngai et tơ drô.

Lơ̆m 4 năr pơ dơ̆h lêh 2/9, lơ̆m tĕh đak đei 57 ‘măng gre tâm prĕh băl băl, pơm ăn 24 ‘nu bơ ngai lôch, 39 ‘nu bơ ngai rơ ka. Kiơ̆ đơ̆ng dăr joang, sek bơ ngai pơm glăi Kanh sat vei lăng trong nơ năm lơ̆m tĕh đak, hơ len, chă ƀôh, sek tơ lang vă jê̆ 11 rơ bâu ‘nu bơ ngai pơm glăi, phak jên hlŏh 7,4 ti.

Tơ̆ hơ năp kơnh, khul linh kanh sat vei lăng trong nơ năm hơ nơ̆ng hơ tŏk tơ drong jang hơ doi, vang dăr lăng tơ drong bơ̆ jang đơ̆ng anih vei lăng trong gre treng. Vei kơ jăp, ưh ăn bơ ngai kơ tăh đơ̆ng gre treng đơ̆ng tơ ring đei jĭ vih tơ̆ plei đe sư pơm tơ lĕch tơ drong krê hơ mơt, atŭm hăm ‘nŏh pơ jing tơ drong ‘lơ̆ng ăn gre đei hla ar phep asong kơ dâu đơ̆ng tơ ring ưh đei jĭ, pơm hiôk hian ăn tơ drong chơ chuĕn tơ mam drăm.

Dơ̆ng: Tơ blơ̆