VOV4.Bahnar - Tơ̆ ‘măng hop akŏm mă 20 kơ Anih pơ gơ̆r jang Trung ương găh tang găn sa pơ jĭp pơ gơ̆r ‘năr 5/8, ƀok Phan Đình Trạc - Bơ ngai jang lơ̆m Anih tơm chĭnh trĭ, Bí thư Trung ương Đảng, Kơ dră Ban Nội chính Trung ương tơ băt, đơ̆ng blŭng sơ năm truh dang ei, kơ dră đảng, Anih hơ len lăng rim tơ ring hlôi pơm kiơ̆ ki luơ̆t hăm hloh 70 khŭl jang đảng, hloh 8.000 đảng viên pơm glăi, lơ̆m noh đei vă jê̆ 180 đảng viên đei ki luơ̆t yua đơ̆ng sa pơ jĭp, pơ rơ̆ng pơm glăi păng hloh 20 đảng viên đei ki luơ̆t yua pơm glăi găh chih tơ roi mŭk drăm, iŏk yua.

Ƀok Phan Đình Trạc - Kơ dră Ban Nội chính Trung ương tơ roi tơ băt

Kiơ̆ tơ drong jang dăr hơ len, hơ len lăng lơ̆m tơ doă păng hơ met pơ ‘lơ̆ng tơ kêng, tơ hlâu, anih jang dăr hơ len hlôi chă ƀôh, hơ met pơ ‘lơ̆ng 20 ‘măng, 35 ‘nu sa pơ jĭp păng đei ƀơm truh sa pơ jĭp. Mă loi ‘noh, tơ drong jang dăr hơ len, tơ kêng, sek phak dôm tơ drong sa pơ jĭp, mŭk drăm đei akŏm chĕp kơ̆l, pơ gơ̆r kơ tang, tơ kêng ‘nao lơ tơ drong yoch, lơ bơ ngai yoch, lơ̆m noh đei lơ bơ ngai yoch ‘noh kang ƀô̆ kơ pal, pơm kiơ̆ ƀlep đon tơ chĕng pơ gơ̆r đơ̆ng Tổng Bí thư Nguyễn Phú Trọng, Kơ dră Anih pơ gơ̆r jang ‘noh jĭ “ ư̆h kơ đei tơ ring kơ̆m, ư̆h kơ lon bu”.

Thuem: Tơ blơ̆