VOV4.Bahnar - Công ty jang unh điên Dak Lak jang hơ doi hăm Jơ nŭm ‘long pơ glang ƀrê pơ gơ̆r plang song pham “Giĕng pham ƀrê EVN ‘măng mă VII” sơng đei vă jê̆ 200 ‘nu bơ ngai vang năm plang song pham. Plang song pham ‘nŏh jĭ tơ drong jang tơ gŭm tôch ‘lơ̆ng rim sơ năm đơ̆ng anih jang unh điên.

Plang song pham tơ̆ Dak Lak

Tơ drong jang ‘nâu roi gĭt kăl ƀât mă sơ năm ‘nâu yoa jĭ covid-19, pham vă hơ met ăn bơ ngai jĭ ưh kơ măh. Vang plang song pham lơ̆m khei ‘năr đei jĭ covid-19 tơ̆ Dak Lak oei tôch hơ mơt, rim bơ ngai pơm kiơ̆ ‘lơ̆ng tơ drong hơ găt tang găn jĭ. ‘Măng plang song pham âu đei vă jê̆ 200 ‘nu kăn ƀô̆, bơ ngai jang tơ̆ anih jang unh điên Dak Lak vang akŏm, plang song đei 168 tơ phu pham.

Dơ̆ng: Tơ blơ̆