VOV4.Bahnar - ‘Năr 16/9, tơ̆ Hà Nội, Khul kơ dră chĕp kơ̆l Anih Trung ương Mặt trận Tổ quốc Việt Nam pơ gơ̆r tơ drong jang hơ nơ̆ng krao hơ vơn “Đĭ đăng kon pơ lei tơ guăt 1 ƀơ̆r đon, vang tang găn jĭ Covid-19”.

Kơ dră Anih TW MTTQ Việt Nam krao hơ vơn tơ gŭm ăn tơ drong tang găn jĭ Covid-19

Khul kơ dră chĕp kơ̆l Anih Trung ương Mặt trận Tổ quốc Việt Nam krao hơ vơn đĭ đăng kăn ƀô̆, bơ ngai jang kơ tĕh đak, dôm khul linh, bơ ngai tĕch mơ dro găh rim anih jang mŭk drăm; dôm khul grŭp lơ̆m apŭng plenh tĕh, bơ ngai Việt Nam tơ̆ tĕh đak đe; dôm tơ drong lui khop; đĭ đăng kon pơ lei… hơ tŏk đon tơ guăt đĭ đăng hơ drĕch hơ drung, tơ gŭm jên, tơ mam pơ gang, tơ mam xa, tơ mam yoa kăl… ăn tơ drong tang găn jĭ.

Kơ tă ƀât lêh tơ lĕch, hlôi iŏk đei tơ drong chih măt tơ gŭm đơ̆ng hlŏh 30 khul grŭp, anih tĕch mơ dro, lơ bơ ngai hăm kơ sô̆ jên păng tơ mam đei kơ jă hlŏh 290 ti.

Dơ̆ng: Tơ blơ̆