VOV4.Bahnar - Hăm đon bơnôh Vang tơgu\m ‘mêm kơ eng yak hloh khei năr pơrang hơbuh, dôm tơpu tơmam đơ\ng đon bơnôh ‘mêm bơnat hlôi axong ăn bơngai đei tơdrong erih tơnap tap lơ\m tơring kơ plei tơm Đà Lạt, dêh char Lâm Đồng. ‘Nâu jing minh lơ\m dôm tơdrong jang kăp g^t kơ tơring, tơgu\m bơngai hin dơnuh, bơngai jo hăn, bơngai te\ch ve\ xo# tơno\ đon bơnôh lơ\m khei pơrang j^ hơbuh lang xă.

Đei măt đơ\ng pơgê hrôih vă io\k tơmam axong, yă Hoàng Thị Huệ, oei tơ\ kueng Mê Linh, phường 9, plei tơm Đà Lạt tơroi: Unh hnam yă truh tơ\ Lâm Đồng jang ăn kơ đe 10 xơnăm kơ âu bơih, tơdrong erih kơ bre klo hơkăn kră gơnơm lơ\m jên năm chă dônh rơm re\k păng te\ch ve\ xo#. Rim khei unh hnam kla jên thuê hnam hloh 1 triu hlj păng răt tơmam xo\ng xa noh oei rơkăh pă dôm yơ. Đơ\ng pơm kiơ\ tơchơ\t tơklăh oei hơdro# lơ\m tơpôl vă tang găn păng tơjră pơrang j^, tơbre klo hơkăn ưh đei jang yă kiơ vă le\ch jên noh tơdrong erih tôch tơnap tap: “Inh tôch hmach bơnê hăm đon bơnôh ‘mêm bơnat đơ\ng dôm anih jang, tơring păng dôm jơnu\m tơpôl hlôi tơgu\m ăn kơ unh lơ\m khei năr tơnap tap âu”.

Đơ\ng ro\ng kơ Têt Nguyên đán, [ơ\t pơrang j^ hơbuh lang xă, tơdrong jang vei lăng hơ ioh kơ yă Lê Thị Hồng Nguyệt (67 xơnăm) tơ\ phường 9, plei tơm Đà Lạt duh athei pơdơh kơ jang noh unh hnam yă ưh kơ măh jên chă răt tơmam xo\ng xa. Vă đei jên erih xa păng vei rong me\ kră 95 xơnăm, yă athei năm to\k io\k ja#p jang: “Lơ\m xơnăm noh inh vei rong minh [ar ‘nu hơ ioh, dang ei pơrang j^ hơbuh đe pă đei gơih bơih. Dang ei inh oei tơ\ hnam rong me\, me\ inh xơnăm âu 95 xơnăm bơih. Inh tôch hmach bơnê hlôi đei teh đak tơre\k tơgu\m ăn unh hnam inh”.

{ok Nguyễn Ngọc Ánh – Pho\ Kơdră Anih vei lăng kon pơlei phường 9, plei tơm Đà Lạt ăn tơbăt, tơdrong hơvơn dôm anih jang vang tơgu\m vă vei xơđơ\ng tơdrong pơyua ăn tơpôl jing tơdrong jang hơnơ\ng kơ tơring. Mă lei đơ\ng mă j^ Covid-19 hơbuh lang xă, tơdrong jang âu roi đei jang tơnăp hloh dơ\ng. Lơ anih jang ‘mêm bơnat hlôi atu\m hăm tơring vang jang tơdrong jang âu: “Lơ tơpu tơmam noh nhôn io\k đơ\ng Jên mong tơgu\m bơngai hin dơnuh kơ tơring păng ‘nguaih kơ noh chă hơvơn dôm anih jang mu\k drăm tơgu\m vang glơng tơnap tap hăm kon pơlei. Hăm tơpu tơmam mă nhôn axong noh đei [ar kơloăi, păh mă blu\ng noh đei kơjă 1 triu 500 rơbâu hlj axong ăn dôn bơngai tôch tơnap tap lơ\m tơring. Păh mă [ar noh tơmam đei kơjă 500 rơbâu hlj”.

Duh nhen noh tơ\ Anih vei lăng kon pơlei phường 8, hloh 100 tơpu tơmam hlôi pơtruh tơpang ti bơngai hơven hơvo jo jăn, bơngai hin dơnuh păng adoi pơm kiơ\ [lep tơchơ\t tơle\ch tang găn păng tơjră pơrang j^. Io\k phe, mi tôm, rơmă, đak măm păng 200 rơbâu đơ\ng dôm anih jang ‘mêm bơnat pơmai Nguyễn Thị Ngọc, minh lơ\m lơ bơngai hơven hơvo te\ch ve\ xo# akhan: “Inh thuê hnam đe oei minh adro#. Inh hơven hơvo đơ\ng oei ‘la#p noh truh oei tơ\ âu te\ch ve\ xo#. Đei io\k tơmam axong âu, inh tôch xo# xôn păng hmach bơnê kơ đe ‘nho\ng pơmai hlôi tơgu\m”.

Kiơ\ kơ pơmai Nguyễn Thị Thanh Tuyền, jang lơ\m Anih jang Việt Farm, hloh 300 tơpu tơmam đei pơjao ăn bơngai tơnap tap jing đon bơnôh đe kang [o#, bơngai jang lơ\m anih jang hlôi axong minh năr jên khei jang vă chă tơra tơgop. Khei năr truh, rim bơngai jang kơ anih jang gô pơtoi tơgop, tơgu\m dôm bơngai tơnap tap yak hloh khei năr pơrang pơrêch âu: “ ‘Nguaih kơ hơnăn mă Anih vei lăng kon pơlei phương chă chih ako\m păng hlôi năm truh rim hnam vă hơlen chih ako\m unh hnam tơnap tap vă chă tơgu\m. Găh anih jang gô tơle\ch hơvơn lơ tơpu tơmam dơ\ng ‘nguaih kơ hơnăn nhen bơngai hơven hơvo, bơngai ưh ke\ jang chă erih xa lơ\m khei năr pơrang hơbuh âu”.

Đon bơnôh tôch ‘lơ\ng hơ iă đơ\ng dôm anih jang, bơngai jang hlôi pơm hơto\k đon lui ăn dôm bơngai hin dơnuh tơnap tap lơ\m khei năr pơrang j^ hơbuh pơlang xă, vă đe ye\t yak hloh tơnap tap, atu\m jơhngơ\m hăm teh đak tơpuh le# pơrang j^ Covid -19.

Lan chih păng rapor