VOV4.Bahnar  – Anih jang unh hơyuh Đăk Lăk dang ei oei vei lăng unh hơyuh hăm 13 anih chô̆ pơdoi 110kV, 5 anih chô̆ unh 35kV păng 22kV, hloh 6.000 anih chô̆ pơdjoi nai, hloh 5000 km trong tơlei unh, axong unh hơyuh ăn 570 rơbâu 'nu bơngai yua.

Vei xơđơ̆ng unh hơyuh ăn tơring xă, tơring ưh đei tơmăn, tơmam axong jang ưh đei drơ̆ng minh..., anih jang hlôi pơkăp păng jang kơjăp kiơ̆ tơchơ̆t 3K, noh “Kơleng năng – Kơ̆t jang – Kơleng hơmet”. Lơ̆m noh, rim xơnong jang đei axong jang kiơ̆ jăl hơdăh hloh. Tơdrong vei lăng kih thuơ̆t 3K đei pơm jang drơ̆ng minh đơ̆ng Anih jang truh dôm Anih jang unh hoyuh, Khul vei lăng trong tơlei unh.

Tơdrong jang âu duh đei xơkơ̆t kiơ̆ rim khei, rim jăl jang vă pôk hơpăh hăm dôm anih jang tơnăp păng tơtom hơmet dôm tơdrong đei ƀôh. Hăm dôm trong jang drơ̆ng minh, xơnăm 2021, tơdrong jang vei lăng kih thuơ̆t đơ̆ng PC Đăk Lăk đei jơnei tơnăp lơ̆m dôm anih jang unh hơyuh jâ̆p teh đak. Unh hơyuh đei chô̆ dui xơđơ̆ng, tơnăp, ưh đei tơdrong răm kiơ ôh.

Lan chih păng pơre nơ̆r