VOV4.Bahnar - Năr 4/5, tơ̆ Hà Nội, Anih tơm vei lăng kŏng an pơ gơ̆r hop akŏm Anih pơ gơ̆r Tơ drong jang pơ jing anih mong răk hla ar kăl teh đak găh kon pơ lei oei sa păng Tơ drong jang pơm tơ lĕch, asong păng vei lăng kăn kươk kon pơ lei. Kiơ̆ tơ roi tơ băt, kơ plăh jang kiơ̆ tơ drong jang anih mong răk hla ar kăl kon pơ lei oei sa kơ teh đak hlôi tơ mơ̆t  lơ̆m kơ măy hloh 98 triệu ‘nu kon pơ lei lơ̆m teh đak păng tŏk bŏk lơ̆m jăl jang pơm pơ gŏh tơ drong kơ tơ̆ng ang hăm tơ drong hơ găt asong kơ sô̆ băt hơ năn kơ dih ăn kơ pơ đĭ kon pơ lei hơ drol kơ ‘năr 01/7/2021. Jô̆ truh ‘năr 27/4, akŏp kơ sô̆ hla ar hô sơ iŏk kăn kươk kon pơ lei đơ̆ng Kŏng an 63 tơ ring ‘noh vă jê̆ 34 triệu hô sơ, đei vă jê̆ 68% pơ têng hăm tơ drong hơ găt 50 triệu hô sơ. Hăm tơ drong jang hơ dai, vang tơ roi hla mong răk, dang ei Anih tơm vei lăng Kŏng an hlôi jang hơ dai hăm Bảo hiểm xã hội Việt Nam, Anih tơm Tư pháp, Anih vei lăng hla ar hành chính – Anih jang Khŭl kơ dră teh đak, Anih vei lăng Thuế - Anih tơm vei lăng jên hu pơ ma dơ nuh drơ̆ng nơ̆r rim trong jang ki thuơ̆t vă pơ yua ăn jang hơ dai.

Thuem: Tơ blơ̆