VOV4.Bahnar - Lơ\m chăl sơnăm tơblăh Mi do\ng te\h đak, tơring Nâm Nung, apu\ng Krông Nô, dêh char Dak Lăk ‘no\h tơring kăn kư\ tơblăh B4 – liên tỉnh IV. ‘Nau jing j^h g^t kăl hơnhăk jơhngơ\m pran bơngai, mu\k drăm đơ\ng tơring ăn iung tơblăh. Đơ\ng au, kon pơlei M’nông, Êđê oei tơ\ rim pơlei pơla hlôi yak hlo\h bri kông, tơhrông hlo\h hơboong thoong đak, pu\ phe [a, tung pơdu\ [rơ\m phao tơgu\m [o# đo#i tơblăh ayăt io\k đei jơnei keh kong.

Pơbu\ng hnam ie\ ioch kơ u\nh hnam [ok K’Tiêng, hơdrung Mnông oei tơ\ bon Rkâp, tơring Nâm Nung, apu\ng Krông Nô, dêh char Dak Nông nhen m^nh hơn^h mong răk mu\k drăm g^t kăl dăr sơnăm. {ok ‘măn m^nh păh tơnăr vă hơtol rup {ok Hô hăm Đại tướng Võ Nguyên Giáp; tăp dăr ‘no\h Mê đai tơblăh vang, Ki niêm chương, hla bơar hôn bơnê păng lơ tơmam drăm hơpăh g^t kăl anai.

{lep tơbăt 30 sơnăm Năr đ^ đăng kon pơlei vang vei lăng te\h đak, 75 sơnăm Năr pơjing Khul [o# đo#i Việt Nam, pơ pro\ ăn sơng sơnăm ‘nao, [ok K’Tiêng athei đe in tơle\ch l^ch sơnăm 2020 jei in hloi rup {ok Hô hăm {ok Giap, tơ je# ‘no\h rup klo akăn [ok hơbe\n ao tanh kon kông. {ok tơblang hơdăh găh hla bơar l^ch au ‘no\h tơdrong tơroi tơdrong tơhưch d^h băl ‘lơ\ng hơ iă to\k bo\k bri kơ drơ\ng lơ\m chăl tơblăh vang hrang tơ [et kơtang sơ\: “ Măr nhi akăn ^nh joăt d^h băl lơ\m chăl tơblăh. Lơ\m mă no\h sơ\ ^nh bơ\ jang ba tơmam drăm, năm tung pơdu\ [rơ\m, phe [a, [o\h, [um … ăn [o# đo#i oei tơ\ tơring sơlam hăm te\h đak Campuchia, găh akăn ^nh ‘no\h khu\l jo\h hơri. Lơ\m mă no\h sơ\ [ôm [rơ\m ayăt prăh tôch kơ dêh, klo akăn nhi hui tơ [ơ\p d^h băl, rim ‘măng đei pơgơ\r jo\h hơri ‘no\h mă đei tơ [ơ\p d^h băl. Tru\h sơnăm 1972 măr nhi mă pơgơ\r pơkong, akăn ^nh v^h tơ\ pơlei er^h sa,jang sa păng vang jang lơ\m khu\l jo\h hơri; dang yơ đei rơvơn jei vang năm jo\h hơri tơ\ an^h nhôn bơ\ jang kơna klo akăn măr nhi tơ [ơ\p d^h băl. Đơ\ng ro\ng te\h đak rơngei sơnăm 1975, klo akăn măr nhi mă đei oei sa hơdoi tru\h dang ei.

{ok K’Tiêng jei tơbăt, bon R’Cập kiơ\ nơ\r M’Nông ‘no\h akhan “Bro\k v^h”. Kơ yuơ lơ\m chăl sơnăm tơblăh vang, ‘nau jing tơring kăn kư\ ke\ch mang, kon pơlei chă jăk lơ\m bri vă kơ ‘nơp kơ [ôm [rơ\m păng vang iung jang tơgu\m ăn tơblăh. Mư\h te\h đak rơngei, kon pơlei bro\k v^h hơlơ\k pơjing pơlei dơ\ng. Hrei au pơlei đei 280 u\nh hnam, hăm hlo\h 1.000 ‘nu măt bơngai, đ^ đăng bơngai M’nông ngăl. “Pơtêng hăm sơ\ tơdrong er^h sa dang ei hiôk hian hlo\h bơih. Te\h đak hlôi tơ iung pơjing ming man trong nơnăm, dăng ăn tơlei u\nh hơyu\h, pơtru\h ăn đak so\ nhă, pơm ăn hnam trương ho\k pơhra\m. Dôm u\nh hnam đei iok yua ăn te\h đak ‘no\h đei te\h đak man ăn hnam oei. Jang kiơ\ tơdrong jang đơ\ng Đảng, Te\h đak, kon pơlei ling lang ato\k kơtang jơhngơ\m đon tơgoăt tơgoăl vă tơ iung pơjing pơlei ‘lơ\ng lie\m. Tơdrong ho\k pơhra\m kơ kôn mon kon sau đei te\h đak lăng ba tôch kơ jăp. Jơhngơ\m đon hlo#h vao kơ kon pơlei jei roi năr roi hlo#h vao lơ\m tơdrong cho\h jang sa, ư\h khan lăp cho\h jang sa vă măh mai ăn so\ng sa kơ ‘năr mă lei oei vă chă te\ch mơdro, băt chă pơtăm ksu, che\hphe dơ\ng”.

          Jei lơ\m tơring kăn kư\ tơblăh vang hrang tơ [et B4 – liên tỉnh IV, bon Ja Ráh, tơring Nâm Nung, apu\ng Krông Nô, dêh char Dak Nông hrei au jing an^h vei răk tơ [a\k mong nhen le\ oei plơ\ng dôm tơdrong oei sa jo\h ayo\ g^t kăl dăr sơnăm kơ bơngai M’nông. Kră pơlei kơ pơlei ‘no\h [ok Y Xuyên, m^nh ‘nu bơngai kon kông ho\k jru\ đei kon pơlei yom hlo\h lơ\m tơring. Tơdrong mă [ok ư\h kơ lai yơ hyơt păng chhôk hơ iă hlo\h ‘no\h đei mơ\t jang lơ\m Đảng lăp đơ\ng ro\ng iung tơblăh pơra\m khu\l Phurô tơ\ bri kông hli hlơt đunh kơ au 40 sơnăm. Mă lei mă kăl hlo\h ‘no\h chăl sơnăm tơblăh vang hrang tơ [et lơ\m tơring kăn kư\ ke\ch mang, [ok atu\m hăm kon pơlei bơngai M’nông oei lơ\m rim pơlei sơlăh sơlang lơ\m bri, vang chă pu\ bơ\n phe, tung pu\ [rơ\m phao, tơgu\m [o# đo#i iung tơblăh ayăt. Mă kăl, [ok Y Xuyên pơma tơbăt jơhngơ\m đon chơt hyôk hlo\h ‘no\h m^nh ‘măng đei kơtơ\ng {ok Hô đo\k kơthơ hmach Têt lơ\m bro\ kơ Radiô Nơ\r pơma Việt Nam; mơ\ng măh chhưu lơ\m jơhngơ\m, pơm ăn jơhngơ\m đon ranh, hơmanh pran kơtang hlo\h dơ\ng. “Lơ\m mă ^nh pơm [o# đo#i sơ\, tru\h Têt ‘no\h chơt dêh. Gơmăng sơng sơnăm ‘nao mă đơ\ng to\k bo\k oei gak dăh mă bơ\ jang ‘no\h ‘nho\ng o\h nhôn prôih mơ\ng Bro\ mơ\ng nơ\r hmach têt đơ\ng {ok Hô, chơt hiôk dêh. Dôm nơ\r hmach têt đơ\ng {ok Hô tru\h dang ei ba oei chăm đe\ch. {ok Hô pơtho, pơkă ăn kơ bơ\n đ^ đăng j^ ‘nho\ng oh pôm hnam, tơgoăt tơgoăl m^nh jơhngơ\m đon ‘no\h tơdrong pran hlo\h. {ok Hô pơtru\h nơ\r [ơ\r pơma ap^nh jet gia hăm rim [o# đo#i, kon pơlei pơla lơ\m te\h đak … Lăp đơ\ng ro\ng mơ\ng {ok Hô hmach têt, hmă hmă nhôn prăh phao pơnhat tơ\ ple\nh vă chơt hơ iă sơnăm ‘nao”.

Đơ\ng ro\ng sơnăm 1975, te\h đak rơngei, kon pơlei v^h er^h sa dơ\ng tơ\ pơlei so. {ok Y Xuyên, lăp đơ\ng ro\ng vang tơblăh Phur-rô, hơnơ\ng v^h hơlơ\k dơ\ng pơtho chư ăn kôn mon kon sau lơ\m pơlei, vang bơ\ jang Đoàn hơdru\h tơdăm đơ\ng no\h to\k jang: Kơdră che\p pơgơ\r Ko\ng ang tơring, Kơ ie\ng Kơdră che\p pơgơ\r Dơno\ an^h vei lăng kon pơlei tơring, đơ\ng no\h jang Kơdră che\p pơgơ\r Dơno\ an^h Măt trân Tô quôc tơring Nam Nung. “Pơdơ\h bơ\ jang te\h đak sơnăm ‘lo\ kră mă lei ư\h pơdơ\h jang”, đei kon pơlei pôk hơto\k pơm kră pơlei, [ok Y Xuyên hơnơ\ng tơnăp pơtho tơbăt tơdrong joăt joe ke\ch mang ăn jơhnơr mơlo#h, adoi pơtho tanh broong jak, pơm gơ\ng ga păng vei răk tơ [a\k mong tơdrong oei sa jo\h ayo\ g^t kăl kơ bơngai M’nông lơ\m tơring Nâm Nung nuih mơng.

Bơngai ch^h: Thị Đoắt – Quốc Học

Tơblơ\ nơ\r: Amazưt