VOV4.Bahnar - Đei dơ̆ng ƀar tơnô̆ vaccine AstraZeneca hăm hloh 1 trĭu 400.000 kơliêu hlôi chơ trŭh tơ̆ pơlei tơm Hồ Chí Minh. ‘Nau ‘măng pơjao vaccine mă 10 păng 11 găh kĭ pơkăp răt iŏk hơdrol 30 trĭu kơliêu ƀar păh AstraZeneca hăm Kŏng ty Vaccine Việt Nam (VNVC). Kĭ pơkăp răt iŏk au hlôi ba ăn Việt Nam vă jê̆ 8 trĭu 200.000 kơliêu lơ̆m akŏp 17 trĭu kơliêu vaccine Covid-19 đơ̆ng AstraZeneca pơtrŭh ăn ‘moi kiơ̆ VNVC, Trong bơ̆ jang COVAX păng tơgŭm djru ƀar păh kơdră chĕp pơgơ̆r rim tĕh đak. Vaccine đơ̆ng AstraZeneca dang ei tơmơ̆t 64% hơnĭh pơtrŭh ăn vaccine Covid-19 lơ̆m tĕh đak. ‘Ngoăih tơdrong pơjao răt tơgum ăn đĕch đĭ đăng 30 trĭu kơliêu vaccine au ăn Dơnŏ anĭh tơm vei lăng jang pơgang, VNVC jei pơkăp tơgum djru, kơ dĭh tơlĕch kon jên au to dơ̆ng lơ̆m chă răt, sơng iŏk, pơjao vaccine, tơchĕng lăng tơhoach trŭh kơ hrĕng ti hlak jên.

Tơblơ̆ nơ̆r: Amazưt