VOV4.Bahnar - Tơ̆ Anih bơ̆ jang kơ Khŭl kơ dră teh đak, Phŏ Thủ tướng teh đak Phạm Bình Minh vang Hop akŏm tih tĕch mơ dro păng tơ mơ̆t jên jang ASEAN (ASEAN BIS) 2021 hăm hơ năn: “Pơ jing tơ̆ hơ năp kơnh tơ drong jang ki thuơ̆t kơ sô̆ kơ jăp ‘lơ̆ng lơ̆m tơ ring ASEAN” pơ gơ̆r kiơ̆ trong trực tuyến. Pơ ma tơ̆ hop akŏm, Phŏ Thủ tướng Teh đak Phạm Bình Minh pơ ma hơ dăh: Tơ drong jang kiơ̆ ‘lơ̆ng đei tơ drong hơ găt vei lăng păng tơ iung ming mŭk drăm ưh kơ gơh lăp gơ nơm lơ̆m tơ drong hơ drin đơ̆ng 1 Khŭl kơ dră teh đak dăh mă 1 teh đak hơ drô̆, mă kăl tơ drong hơ drin, vang tơ gŭm đơ̆ng đĭ đăng 10 teh đak jang lơ̆m ASEAN kŭm nhen bôl buăl, teh đak jang hơ dai. ASEAN kŭm kăl kơ hơ nơ̆ng tơ lĕch lơ trong jang hơ gei nai mă  ASEAN hlôi pơ drơ̆ng kiơ̆ hăm 3 trong vă jang: tơ iung ming, kơ sô̆ ‘nao păng tơ drong kơ jăp, tơ mơ̆t yua khoa hŏk ki thuơ̆t, kơ măy kơ mŏk vă pơ trŭt tơ iung ming rơ goh ‘lơ̆ng. Vă yak truh dôm tơ drong hơ găt âu, Phŏ Thủ tướng pơ ma hơ dăh dơ̆ng tơ drong gĭt kăl đơ̆ng Tơ drong jang akŏm tôm ASEAN găh tơ drong jang kơ măy kơ mŏk ‘măng mă 4 păng tơ drong tŭn hrĕnh tơ drong jang hơ gei hơ tŏk loi dơ̆ng jơ hngơ̆m pran akŏm đơ̆ng ASEAN tơ jră hăm dôm tơ drong hiong răm đơ̆ng tŏ ‘mi kial yua đơ̆ng Brunei tơ lĕch sơ năm ‘nâu.

Thuem: Tơ blơ̆