VOV4.Bahnar - “Việt Nam hlôi păng tŏk bŏk hơ tŏk tơ drong jang kiơ̆ dôm nơ̆r pơ kăp păng tơ drong pơ chĕh đei tơ lĕch lơ̆m sơ năm 2020, lơ̆m nŏh năng kăl truh tơ drong kăl đei tơ gŭm hơ drol păng hơ năn tơm kơ sơ năm ASEAN 2021 đei Brunei Darussalam tơ lĕch”. ‘Nâu jĭ nơ̆r pơ ma đei Phŏ Kơ dră tơm vei lăng tơ drong jang xa, linh jĭ rơ ka păng tơ pôl Nguyễn Bá Hoan tơ lĕch lơ̆m Hop akŏm tơ pôl jŏh ayŏ kơ dŏ xoang (ASCC) ‘măng mă 25 đei pơ gơ̆r kiơ̆ trong trư̆k tuyê̆n yoa Brunei Darussalam pơ gơ̆r. 

Tơ̆ anĭh hyup pơih Việt Nam, hăm hơ năp jang ‘nŏh jĭ Anih pơ gơ̆r Hop akŏm Tơ pôl jŏh ayŏ kơ dŏ xoang tơ̆ Việt Nam, Phŏ Kơ dră tơm vei lăng tơ drong jang xa, linh jĭ rơ ka păng tơ pôl Nguyễn Bá Hoan ăn tơ băt:Việt Nam hơ mĕng đĭ đăng 15 anih juăt jang đei ƀơm truh Tơ pôl jŏh ayŏ kơ dŏ xoang ASEAN gô hơ tŏk tơ drong jang hơ doi mă ‘lơ̆ng lơ̆m tơ drong pơ jing păng hơ met pơ kĕh dôm trong jang đơ̆ng kơ dih đơ̆ng 2021-2025, đei hơ len năng truh dôm trong jang ‘nao păng tơ drong kăl tơ gŭm hơ drol mă bơ̆n hlôi tơ lĕch lơ̆m tơ drong tang găn jĭ hơ buh păng jang tŏk dơ̆ng đơ̆ng rŏng kơ jĭ, sek tơ lang dôm tơ drong ưh ‘lơ̆ng đơ̆ng kơ sô̆ kon pơ lei roi kră, hơ yuh tŏ ‘mi kial tơ plih păng kăch mang kơ măy kơ mŏk 4.0.

Dơ̆ng: Tơ blơ̆