VOV4.Bahnar - Tơ̆ hop akŏm rim khei kơ sơ̆ 10/6, tơl nơ̆r apĭnh đơ̆ng bơ ngai chih hla ar tơ roi athei tơ blang găh nơ̆r pơ ma akhan Mi đei trong hơ păh 500 triu kơ liêu vaccine tang găn jĭ Covid-19 ăn dôm tĕh đak, bơ ngai chă pơ ma tơ lĕch nơ̆r ăn Anih tơm jang tơ bôl Lê Thị Thu Hằng ăn tơ băt, Việt Nam hôn bơ nê tơ drong Mi roi tơ băt trong klăih song vaccine Covid-19 vă pơ truh 25 triu kơ liêu vaccine mă blŭng lơ̆m apŭng plenh tĕh, lơ̆m nŏh đei dôm tĕh đak Đông Nam Á păng Việt Nam.

Ƀât mă tơ drong jĭ oei tôch hơ mơt hrei ‘nâu, Việt Nam hơ pơi ‘mĕh dôm tĕh đak păng dôm anih jang lơ̆m apŭng plenh tĕh hơ tŏk đon tơ gŭm băl, tơ roi ăn băl rim tơ drong, tơ gŭm băl găh kơ măy kơ mŏk, jên hu, pơ gang, mă lei jĭ vaccine vă đĭ đăng vang tang găn đei tơ drong jĭ tôch hơ mơt âu.

Dơ̆ng: Tơ blơ̆