VOV4.Bahnar - Pơgê năr 23/8, Kơdră tang măt Tĕh đak Ba Lan tơ̆ Việt Nam Wojciech Gerwel hlôi tang măt Khŭl kơdră tĕh đak Ba Lan pơjao ăn Dơnŏ anĭh tơm vei lăng jang pơgang 501.600 kơliêu vaccine tang găn COVID-19 AstraZeneca. Pơgang vaccine AstraZeneca au kơ yuơ Khŭl kơdră tĕh đak Ba Lan pôk ăn Việt Nam vă atŏk kơtang tang găn jĭ Covid-19 hlôi chơ ba trŭh tơ̆ cham gre păr Apŭng plĕnh tĕh Nội Bài kơsơ̆ năr 21/9. Kơ iĕng Kơdră chĕp pơgơ̆r Dơnŏ anĭh tơm vei lăng jang pơgang Trương Quốc Cường hăm Kơ iĕng Kơdră jang tơbôl Tô Anh Dũng hlôi sơng iŏk pơgang vaccine đơ̆ng tĕh đak Ba Lan tơgum ăn au. Kiơ̆ kơ ‘nŏh ƀok Trương Quốc Cường pơma tơbăt jơhngơ̆m đon bơnê kơ jơhngơ̆m đon tơgŭm djru đơ̆ng Kơdră tang măt pơma hơdrô̆ păng Khŭl kơdră tĕh đak Ba Lan pơma atŭm hlôi ‘măn ăn kơ Khŭl kơdră, kon pơlei Việt Nam, adoi nhen kon pơlei Việt Nam oei tơ̆ Ba Lan. Tơdrong tơgŭm djru au hlôi tơgŭm ăn Việt Nam đei dơ̆ng pơgang tang găn jĭ păng pơm hơtŏk loi dơ̆ng tơdrong ‘lơ̆ng hơ iă mư̆h 2 tĕh đak hlôi yak trŭh 71 sơnăm tơgoăt tơgoăl dĭh băl.

Tơblơ̆ nơ̆r: Amazưt