VOV4.Bahnar  – Pơtoi kơ dôm tơdrong jang ƀơ̆t năm tơmang teh đak CHDCND Lào đơ̆ng kơdră teh đak bơ̆n Nguyễn Xuân Phúc, kơsơ̆ năr 9/8/2021, Đại tướng Phan Văn Giang, Ƀô̆ trưởng Anih tơm Linh pơma đam hăm Đại tướng Chansamone Chanyalath, Phŏ thủ tướng, Ƀô̆ trưởng Anih tơm Linh teh đak CHDCND Lào. Tơ̆ jơ pơma đam, ƀar păh xơkơ̆t âu jing trong hiôk vă pơtoi pơđăp, hơtŏk jang hadoi găh linh kơ ƀar păh lơ̆m khei năr pơrang jĭ COVID-19 tŏk bŏk oei hơbuh hli hlơt; xơkơ̆t mă lơ̆m tơdrong đei ƀôh yơ; Khul linh ƀar teh đak gô tơgŭm dih băl yak hloh tơnap tap vă vei xơđơ̆ng tơdrong jang đei jơnei mă đe mih ma hlôi pơjing đei. Khei năr truh, Anih tơm Linh kơ 2 teh đak kăl akŏm hơlen dôm trong jang hadoi trŏ ƀlep, hăm pơkăp ưh đei lê̆ tơdrong jang hadoi kơ khul linh ƀar teh đak ƀơm răm kơyuơ đơ̆ng pơrang jĭ, lơ̆m noh hơtŏk vei lăng xơđơ̆ng xơlam teh, tang găn tơdrong mơ̆t lĕch găn xơlam teh glăi.

Lan chih păng pơre nơ̆r