VOV4.Bahnar  – Pơm kiơ̆ Tơchơ̆t pơdrơ̆ng jang hadoi đơ̆ng Kuôk hô̆i Việt Nam păng Kuôk hô̆i Lào, pơgê âu, tơ̆ Hnam Kuôk hô̆i, Anih jang Khoa hŏk, Kŏng ngê̆ păng Cham char kơ Kuôk hô̆i Việt Nam jang atŭm hăm Anih jang Tơbôl kơ Kuôk hô̆i Lào pơgơ̆r pơma đam trư̆k tuyê̆n găh tơdrong hlôh vao lơ̆m chih akŏm Luơ̆t pơkă um la kak. Kơdră Anih jang tơbôl kơ Kuôk hô̆i Lào Sanya Praserth ră hơdăh, chih akŏm Luơ̆t pơkă păng pơjing um la kak tŏk bŏk oei đei chih akŏm pơtruh ăn Kuôk hô̆i  Lào Jăl 9 hơlen tơ̆ 'Măng hop akŏm mă 2, vă pơkăp trong jang vei hơlen tơdrong jang đei pơm jang drơ̆ng minh, trŏ ƀlep, jang hadoi hăm apŭng plenh teh. Kơdră Anih jang tơbôl kơ Kuôk hô̆i Lào 'meh vă đei iŏk dôm nơ̆r tơgop đơ̆ng ƀai hŏk hlôh vao păng tơdrong iŏk yua minh ƀar ƀai hŏk kăp gĭt đơ̆ng dôm teh đak lơ̆m kơpal teh lơ̆m chih akŏm Luơ̆t pơkă pơjing um la kak đơ̆ng Kuôk hô̆i Việt Nam.

Lan chih păng pơre nơ̆r