VOV4.Bahnar - Gơ măng 26/5, tơ̆ Hnam Kuô̆k hô̆i, khul tang măt Kuô̆k hô̆i Việt Nam vang hop akŏm Khul kơ dră pơ gơ̆r Grŭp Nghị viện apŭng plenh tĕh ‘măng mă 142 kiơ̆ trong trư̆k tuyê̆n.

Việt Nam vang Hop akŏm Khul kơ dră pơ gơ̆r Grŭp Nghị viện apŭng plenh tĕh ‘măng mă 142

Khul tang măt Kuô̆k hô̆i Việt Nam yoa Kơ dră jang lơ̆m Anih tơm Chinh trĭ, Phŏ Kơ dră Kuô̆k hô̆i Việt Nam Trần Thanh Mẫn chĕp kơ̆l vang akŏm lơ̆m jơ pơ ma nuh atŭm đei hơ năn "Yak hlŏh jĭ hơ bŭh hrei ‘nâu păng pơ jing 1 tơ drong arih xa ‘lơ̆ng hơ iă ƀiơ̆ tơ̆ ning mônh kơnh: Hơ năp jang đơ̆ng dôm Nghị viện".

Vang pơ ma nuh lơ̆m jơ hôp, Phŏ Kơ dră Kuô̆k hô̆i Việt Nam Trần Thanh Mẫn ăn tơ băt: Hăm jơ hngâm đon “tang găn jĭ nhen tang găn hơ yăt”, Việt Nam hlôi bơ̆ jang tôch kơ tang, tơ tom; vang krao đĭ đăng anih jang chinh trĭ bơ̆ jang, bơ̆ jang tôch ai, đĭ đăng kon pơ lei 1 jơ hngâm đon. Việt Nam oei bơ̆ jang 2 tơ drong jang tơm, tang găn ‘lơ̆ng tơ drong jĭ, vei lăng ‘lơ̆ng jơ hngâm pran kon pơ lei hai, bơ̆ jang atŏk tơ iung mŭk drăm, vei sơ đơ̆ng tơ drong arih xa tơ pôl hai.

Dơ̆ng: Tơ blơ̆